«Ishki ister mınıstrligi qańtar oqıǵasyn tergeý jumysyn jalǵastyrýda. Búgingi tańda ishki ister organdary tergeýshileriniń óndirisinde 2 565 qylmystyq is bar. 271 adam kúzetpen ustalýda. Ustaý jáne bultartpaý sharasyn tańdaý týraly barlyq sheshimder qylmystyq prosess talaptaryna sáıkes ári mindetti túrde prokýratýramen kelisý jáne sot sanksııasymen qabyldanýda», dedi ol Ortalyq kommýnıkasııalar qyzmetindegi brıfıngte.
Sanjar Ádilovtyń aıtýynsha, Ishki ister mınıstrliginiń О́zindik qaýipsizdik departamenti ustalǵan azamattarǵa qatysty árbir ótinish boıynsha tekserý júrgizedi.
«Qazirgi ýaqytta quqyq qorǵaý organdary qyzmetkerleriniń bılikti asyra paıdalanǵany týraly 59 ótinish qaraldy. Olar boıynsha qylmystyq is qozǵalyp, sybaılas jemqorlyqqa qarsy qyzmetke berildi. 18 ótinish boıynsha azamattardan túsinikteme alynyp, beınejazbalardy zertteı otyryp, qyzmettik tekserý muqııat júrgizildi. Bılikti asyra qoldaný faktileri rastalǵan joq», dep qosty Sanjar Ádilov.
