Iýrıı Pomeransevtiń juldyzy jandy

Saltanatty sharaǵa «Qa­zaq­fılm» kınostýdııasy men M.Lermontov atyn­daǵy mem­lekettik akademııalyq orys drama teatry basshylyǵy men ujymy, Ulttyq kınony qoldaý memlekettik orta­lyǵynyń ókil­deri, Sháken Aıma­novtyń týǵan-týystary, belgili kınogerler men jýrnalıster qatysty. 

– Mine, 40 jylǵa jýyq bizdiń kınostýdııamyz uly rejısser Sháken Aımanovtyń esimimen atalyp keledi. Ol bizdiń mádenıetimizdiń damýyna ólsheýsiz úles qosty. Sháken Ken­je­taıuly zamandastarymen birge ult­tyq kınonyń berik irgetasyn qa­lady. Sondaı-aq búgin qazaq kıno­synyń juldyzdar alleıasynda «Bizdiń súıikti dáriger» fılminde bas­ty ról­di somdaǵan Qazaqstannyń halyq ártisi Iýrıı Borısovıch Pomeransevke arnalǵan ataýly juldyz jandy, – dedi óziniń alǵy sózinde «Qazaqfılm» kı­no­­stýdııasynyń prezıdenti Aqan Sataev.

– Bul kún bárimiz úshin este qalarlyq mańyzdy kún. Sháken Kenjetaıuly oıy­ma oralǵan saıyn, ol kisi shy­ǵar­ma­shylyǵymen, jan jylýymen óz hal­qyna qaıtalanbas sezimderdi syılaı bil­gen uly tulǵa degen oıda bolamyn. Ol óz eliniń patrıoty boldy. Onyń ár­­bir fılmi meıirim pen mahab­batqa toly, – dedi, rejısserdiń kelini Irına Aıma­nova.

Atalǵan is-sharaǵa M.Ler­montov atyn­­daǵy memlekettik akademııalyq orys dra­ma teatry­nyń dırektory Iýrıı Iаký­shev qatysyp, kınostýdııa bas­­shylyǵyna iltı­pat bildir­geni úshin alǵys aıtyp, kelesi jyly Iýrıı Borısovıchtiń júz jyldyq mereıtoıy toılanatynyn atap ótti. 

Is-sharadan keıin Qazaq kınosynyń mýzeıinde qonaq­tarǵa arnalǵan shaǵyn ekskýrsııa ótkizildi. Ekskýrsııa bary­synda «Qazaqfılmniń» prezıdenti Aqan Sataev jı­nal­ǵandarǵa jańǵyrtý baǵdar­lamasy boıynsha kıno­stý­dııaǵa satyp alynǵan jańa kınotehnıkany tanystyrdy.

ALMATY