Shart eki memleket arasyndaǵy áskerı yntymaqtastyqty jandandyrady. Áskerı yntymaqtastyq myna baǵyttar boıynsha damıdy:
áskerlerdi (kúshterdi) qoldanýdy birlesip josparlaý;
óńirlik qaýipsizdikke tónetin syn-qaterler men qaýipterge qarsy áreket etý;
jedel jáne jaýyngerlik daıyndyq;
áskerı bilim jáne ǵylym;
bitimgershilik qyzmet jáne basqalar.
Shartty úsh jyldyq kezeńge arnalǵan áskerı saladaǵy strategııalyq áriptestik baǵdarlamasyna sáıkes júzege asyrý josparlanǵan. Qujatta halyqaralyq áskerı yntymaqtastyqqa jaýap beretin qorǵanys vedomstvolary basshylarynyń orynbasarlary jetekshilik etetin konsýltasııalar formasynda taraptardyń qorǵanys saıasatyn úılestirý boıynsha ózara is-qımyl jasaý tetigi kózdelgen.
Shart qandaı da bir basqa memleketterge qarsy baǵyttalmaǵan. Shartty ratıfıkasııalaý eki memlekettiń qorǵanys qabiletin nyǵaıtý, qazirgi zamanǵy syn-qaterlerge qarsy turý boıynsha úılesimdi áreket etý baǵytynda birlesip jumys isteýge qosymsha serpin beredi. Aıta keteri, bul shart buǵan deıingi kelisimderdiń zańdy jalǵasy.
Qazaqstan men RF arasyndaǵy dostyq, yntymaqtastyq jáne ózara kómek týraly osy tektes shartqa 1992 jyldyń 25 mamyrynda qol qoıylǵan bolatyn. Keıin 2013 jylǵy 11 qarashada jańadan shart qabyldandy. Al búgin ratıfıkasııalanǵan shartqa 2020 jyly 16 qazanda Nur-Sultan qalasynda qol qoıyldy.
