Shańǵy qossaıysynda synǵa túsken Shyńǵys Raqparov jattyǵýdyń alǵashqy túrinde 38-oryndy enshilese, 10 shaqyrymǵa Gýndersen tásili boıynsha júgirýde odan da tómen nátıje kórsetti. Qorytyndysynda Raqparov 43-satyǵa turaqtady. Bul básekede norvegııalyq sportshylardyń qarqynyna eshkim shydaı almady. Bas júldeni Iorgen Grobak oljalady. Osydan segiz jyl buryn Sochı Olımpıadasynda eki ret teńdessiz dep tanylǵan Melhýs qalasynyń týmasy 2018 jyly Phenchhanda qos kúmisti qanaǵat tutqan edi. Beıjińdegi jarysqa óte jaqsy babynda kelgen 30 jastaǵy saqa sportshy aldyna jan salmady. Jeńimpazdyń kórsetkishi – 27:13.3. Ekinshi oryndy Grobaktyń otandasy, byltyrǵy jylǵy álem chempıony, 21 jastaǵy jas juldyz Ens Lýros Oftebrý ıelendi. Úshinshi satyǵa japonııalyq Akıto Vatabe jaıǵasty.
Frıstaılshy-akrobat Sherzod Hashırbaev jarystyń fınaldyq bóligine shyǵa almady. 18 jastar jas óren básekeniń naǵyz qyzǵan shaǵynda qulap qalyp, óz jankúıerlerin jerge qaratty.
Snoýbordshylardyń saıysynda aýstrııalyq Anna Gasser altynnan alqa taqty. Bul – onyń bıg-eırdegi úshinshi altyny. 30 jastaǵy Aýstrııanyń ókili osyǵan deıin Sochı men Phenchhan Olımpıadalarynda shashasyna shań juqtyrmaǵan edi. Jańa Zelanııanyń sulýy Zoı Sadovskı-Sınnot kúmis alsa, Japonııanyń arýy Kokomo Mýrase qolaǵa qol sozdy. Erler básekesinde qytaılyq Sý Inınniń aldyna eshkim túse alǵan joq. Odan keıingi oryndardy norvegııalyq Mons Roısland pen kanadalyq Maks Perro ıemdendi.
Frıstaıldyń sloýpstaıl túrinen áıelder arasynda Shveısarııanyń ókili Matılda Gremonyń mereıi ústem bolsa, qytaılyq Eılın Gý men estonııalyq Kellı Sıldarý júldegerler sanatatyna qosyldy. Taý shańǵyshylarynyń tartysy da shveısarııalyq sportshynyń jeńisimen aıaqtaldy. Álemdik dodada júldelerdiń tolyq jıyntyǵyn jeńip alǵan Korınn Zýterdiń basty maqsaty Olımpııa oıyndarynda da top jarý edi. Sol josparyn ol Beıjińde juzege asyrdy. Apennın túbeginen kelgen qos arý – Sofııa Godja men Nadıa Delago kúmis pen qolany ózara bólisti.
Bıatlonshylardyń 4h7,5 shaqyrymdyq estafetasynda Norvegııaǵa teń keler eshkim tabylmady. Quramynda Stýrla Holm Legreıd, Tareı Be, Iohannes Be jáne Vetle Shosta Krıstıansen syndy dúlúlderi bar juldyzdy komandanyń kórsetkishi – 1:19:50.2 sekýnd. Ekinshi satyǵa Fransııa (Faben Klod, Emılen Jaklen, Sımon Dete jáne Kenten Fııon Maıe) turaqtasa, úshinshi oryndy Reseı (Saıd Karımýlla Halılı, Aleksandr Logınov, Maksım Svetkov jáne Edýard Latypov) ıelendi. Bul arada Reseıdiń altyn alýǵa tolyqtaı múmkindigi bar edi. О́kinishke qaraı, turyp nysana kózdeýde bir mınýtqa jýyq ýaqyt alda kele jatqan E. Latypov kóp qatelesip, áriptesteriniń kúsh-jigerin qum qyldy. Márege jetkende onyń kóz jasyna erik berýin de túsinýge bolatyndaı edi.
Konkıshilerdiń komandalyq saıysynda erler arasynda Norvegııa, al áıelder arasynda Kanada quramalary ozdy.
Mánerlep syrǵanaýdan áıelderdiń qysqa baǵdarlamasy 15 jasar tatar qyzy Kamıla Valıevanyń jarqyn jeńisimen aıaqtaldy. Reseıdiń týy astynda óner kórsetip júrgen asqan daryn ıesi 84,16 upaı jıdy. Kamılanyń komandalyq áriptesi Anna Sherbakova ekinshi oryn aldy. Ol Valıevadan nebary eki upaı ǵana qalyp qoıdy. Úshinshi orynda japonııalyq Kaorı Sakamoto. Onyń oljalaǵan upaıy – 79.84.
Shaıbaly hokkeıden ótken jarysta shırek fınalǵa shyqqan komandalar tolyqtaı anyqtaldy. Pleı-off básekelerinde Danııa Latvııany (3:2), Germanııa Slovakııany (4:0), Shveısarııa Chehııany (4:2) jáne Kanada Qytaıdy (7:2) utyp, myqtylarmen kúsh synasý quqyǵyna ıe boldy.
Sersenbide de birneshe «jan alysyp, jan berisken» básekelerdiń kýási boldyq. Biraq bul joly da qazaqstandyq sportshylardan qaıyr bolmady. Jarys jolyna shyqqan jerlesterimizdiń barlyǵy da qalyń toptyń arasynda qalyp qoıdy. Al sol kúni myna sportshylar jeńis tuǵyryna kóterildi:
Frıstaıl (sloýpstaıl, erler): 1. Aleksandr Holl (AQSh), 2. Nıkolas Gepper (AQSh), 3. Iesper Teder (Shvesııa).
Taý shańǵysy (slalom, erler): 1. Kleman Noel (Fransııa), 2. Iohannes Shtrols (Aýstrııa), 3. Sebastıan Foss Sýlevog (Norvegııa).
Bıatlon (estafeta, áıelder). 1. Shvesııa (Lınn Persson, Mýna Brýrsson, Hanna Oberg, Elvıra Oberg), 2. Reseı (Irına Kazakevıch, Krıstına Rezsova, Svetlana Mıronova, Ýlıana Nıgmatýllına), 3. Germanııa (Vanessa Foıgt, Vanessa Hıns, Fransıska Proıs, Denız Hermann).
Shańǵy (komandalyq sprınt, klassıkalyq tásil, áıelder): 1. Katarına Hennıg – Vıktorııa Karl (Germanııa), 2. Maııa Dalkvıst – Iýnna Sýndlıng (Shvesııa), 3. Iýlııa Stýpak – Natalıa Neprıaeva (Reseı).
Shańǵy (komandalyq sprınt, klassıkalyq tásil, erler): 1.Erık Valnes – Iohannes Klebo (Norvegııa), 2. Iıvo Nıskanen – Ionı Mıakı (Fınlıandııa), 3. Aleksandr Bolshýnov – Aleksandr Terentev (Reseı).
Frıstaıl (akrobatıka, erler): 1. Sı Gýanpý (Qytaı), 2. Aleksandr Abramenko (Ýkraına), 3. Ilıa Býrov (Reseı).
Short-trek (estafeta, erler): 1. Kanada, 2. Ońtústik Koreıa, 3. Italııa.
Short-trek (1500 metr, áıelder): 1. Chhve Mın Djon (Ońtústik Koreıa), 2. Arıanna Fontana (Italııa), 3. Sıýzanne Shıýltıng (Nıderland).
Shaıbaly hokkeıden Fınlıandııanyń áıelder quramasy Shveısarııanyń qaqpasyna jaýapsyz tórt gol salyp, qola medaldi ıelendi – 4:0. Keshe túnde AQSh pen Kanadanyń qyzdary bas júldeni ózara sarapqa saldy. Erler jarysynda jartylaı fınalǵa joldama alǵan komandalar tolyqtaı belgili boldy. Atap aıtsaq, Slovakııa men AQSh arasyndaǵy kezdesýdiń negizgi ýaqtynda da, overtaımda da jeńimpaz anyqtalǵan joq. Býllıt soǵý barysynda slovakııalyqtardyń baǵy jandy – 3:2. Fınlıandııa Shveısarııanyń tas-talqanyn shyǵardy – 5:1. Reseı Danııadan aılasyn asyrdy – 3:1. Shvesııa men Kanada arasyndaǵy kezdesýde skandınavııalyqtardyń mereıi ústem boldy – 2:0. Búgin jartylaı fınaldyq sapıystar ótedi. Bul mejede fınder men slovaktar jáne reseılikter men shvesııalyqtar kúsh synasady.
Beısenbige deıingi nátıjeler jaıynda aıtsaq, jalpy esepte Norvegııa quramasy barlyq qarsylasynan qara úzip ketti. Dáp qazirgi kezde skandınavııalyqtar 13 altyn, 7 kúmis jáne 8 qolany oljalaýda. Endi ózge komandalardyń olardy qýyp jetýleri neǵaıbyl. Germanııanyń qorjynynda 10 altyn, 6 kúmis jáne 4 qola medal bar. AQSh-tyń sportshylary 8 altyn, 7 kúmis jáne 4 qolany ıelenýde. Mine, ázirge Beıjiń Olımpıadasynyń eń úzdik komandalary osylar. Sondaı-aq, Qytaı (7+4+2), Aýstrııa (6+7+4), Nıderland (6+4+4), Shvesııa (6+4+4), Shveısarııa (5+0+5), Reseı (4+8+12) jáne Fransııa (3+7+2) oyq ondyqtyń qatarynan kórinýde. Barlyǵy ázirge 21 memlekettiń órenderi altyn alsa, 28 eldiń ókilderi júldegerler sanatyna qosyldy.
