Ol Qazaqstanda buryn-sońdy bolmaǵanyn, sondyqtan elimizge kelý múmkindigin jiberip almaýǵa tyrysatynyn aıtty.
«Dostarym maǵan Qazaqstan pavılonyna barýǵa keńes berdi. Olar onyń EKSPO-daǵy eń úzdik pavılondardyń biri ekenin aıtty. Men Qazaqstanda eshqashan bolǵan emespin. Sodan bolar, pavılonnyń mazmunynan úlken áser aldym. Maǵan ásirese, robot qolmen usynylǵan qoıylym unady, ol óte emosıonaldy jáne keremet, al pavılon aldynda óner kórsetken ulttyq orkestr tamasha týyndylardy oryndaýymen tánti etti. Elderińizge baryp, saıahat jasaıtynyma óte qýanyshtymyn», dedi Ál Býraı.
Qazaqstandyq pavılon men Qazaqstan Respýblıkasy, sondaı-aq EKSPO 2020 Dubai uıymdastyrýshy komıteti atynan mıllıonynshy qonaqty Qazaqstan Respýblıkasy Premer-Mınıstriniń orynbasary – Saýda jáne ıntegrasııa mınıstri Baqyt Sultanov, Qazaqstan Respýblıkasynyń BAÁ-degi Tótenshe jáne ókiletti elshisi Madııar Meńilbekov, EKSPO 2020 Dubai kórmesi tóraǵasynyń halyqaralyq qatysýshylar jónindegi orynbasary Omar Shehade, EKSPO 2020 Dubai-daǵy Qazaqstan Respýblıkasynyń Ulttyq seksııasynyń bas komıssary Allen Sháıjúnisov quttyqtady.
Mahmýd Ál Býraıǵa Qazaqstanǵa tegin týrǵa eki adamǵa arnalǵan sertıfıkat berildi. Áýe bıletteri men Qazaqstanǵa barý týryn qazaqstandyq Air Astana áýe kompanııasy men Kazakh Tourism ulttyq kompanııasy usyndy.
Eske sala keteıik, Dúnıejúzilik EKSPO 2020 kórmesi Dýbaıda 2021 jyldyń 1 qazanynda bastalyp, bıyl 31 naýryzǵa deıin jalǵasady jáne Taıaý Shyǵystaǵy alǵashqy EKSPO kórmesi sanalady. Kórmeniń taqyryby – «Aqyl-oıdy biriktirip, bolashaqty qurý». EKSPO 2020 Dubai uıymdastyrý komıtetiniń málimeti boıynsha, 15 aqpandaǵy esep boıynsha kórmeni 13,5 mln adam tamashalaǵan, al Ulttyq pavılonǵa kúnine orta eseppen 8 myń adam keledi.
Qazaqstan pavılonynyń týrıster úshin tartymdylyǵyna sýret salǵan adamdar sany boıynsha Gınnestiń rekordtar kitabyna engen «Álem beınesi» art-jobasy múmkindik beredi.
Týrıstik qyzyǵýshylyqtan bólek, ol halyqaralyq bıznes toptary arasynda joǵary qyzyǵýshylyqqa ıe. Ulttyq pavılon alańynda 30-ǵa jýyq iskerlik is-shara josparlanǵan, onyń aıasynda konferensııalar, forýmdar, B2B kezdesýler ótedi, sondaı-aq eldiń ınvestısııalyq jáne týrıstik áleýeti boıynsha jobalar, ǵylym jáne bilim berý salasyndaǵy bastamalary usynylady.
