Shyǵys Ázerbaıjan provınsııasynyń Daǵdarystyq jaǵdaılardy basqarý basqarmasynyń basshysy Muhammad Bager Honarbar ushaqtyń avtokólik pen mektep ǵımaratynyń qabyrǵasyna soǵylǵanyn málimdedi. Oqıǵa kezinde mektepte oqýshylar bolmaǵan. F-5 joıǵysh ushaǵy jabyq turǵan mektep pen sportzaldyń janyna qulaǵan.
Apat saldarynan eki ushqysh pen avtokólik ishinde bolǵan azamat mert boldy. Ushaq Tebrızdegi Shahıd Fakýrı bazasynan ushyp shyqqan. Shahıd Fakýrı áýe bazasynyń komandıri, general Reza Iýsefıdiń aıtýynsha, ushqysh ushaqty adam joq jerge qaraı buryp, úlken tragedııanyń aldyn alǵan.
«Bizdiń ushqyshtar ushaqtyń baǵytyn adam joq jerge qaraı burdy. Olar mundaı qadam jasamaǵanda ózderin aman alyp qala alar edi», dedi ol.
Joıǵysh ushaq jattyǵý mıssııasy kezinde joǵalyp ketken, tehnıkalyq aqaýlar saldarynan ushqysh ony qondyra almaǵan. Qazirgi kezde apat ornyna qutqarýshylar jiberildi, tergeý júrip jatyr.
