Jyrdyń jezkıigi

Mazmundy keshti ashyp júr­gizgen aqyn, Qazaqstan Jazý­shylar odaǵynyń Nur-Sultan qalalyq fılıalynyń dırektory Dáýletkereı Kápuly Kákimbek aǵa­myzdyń bıylǵy aıtýly mereıtoıyna baıla­nys­ty birqa­tar is-shara jos­par­lanǵanyn aıta kelip, asta­na­­daǵy aqyn turǵan úıge eskert­kish-taqta or­na­­ty­la­tyndyǵyn jetkizdi.

Odan keıin belgili aqyn, Halyqaralyq «Alash» ádebı syı­lyǵynyń laýreaty Ǵalym Jaılybaı ol kisini on bes ja­sy­nan bastap tanyp, kózi tiri­sinde aǵaly-inilideı jaqyn syı­lasqandyǵyn sóz etti.

 – Kákimbek Salyqov – esimi úlken árippen jazylatyn, jal­paq qazaq tanıtyn tulǵa. Ol eki formasııada ómir súrip, ke­shegi Keńes odaǵyn basqarǵan Brejnev, Chernenkolarmen qatar jumys istep, qazaqtyń bir balasy retinde bıikke shyqqan, ańyz adam. Ol kisi akademık «Qanysh Sátbaev» qoryn basqarǵanda meni birge jumys isteýge qasyna sha­qyryp aldy. Sonda asyl aǵany jaqyn tanyp, adamı ǵajaıyp asyl qasıetterine tánti boldym. Qazaqty bólip-jarmaı tutas jaqsy kóretin. Tumaǵańdarmen dostyǵy da keremet edi. Al­ǵashqy jyr jınaqtarymen oqyr­mandarynyń yqylasyna bó­lendi. Aqyndyq pen kenshilikti qustyń qos qanatyndaı qatar alyp júrgen aqynnyń poe­zııasy tereńdik pen bıiktik degen ólshemge laıyq, – dedi ol.

Sondaı-aq jazýshy-dra­ma­týrg О́ten Ahmet, qarymdy qa­lamger Baıanǵalı Álimjanov, tarıh ǵylymdarynyń doktory Marat Ábsemetov, kúıshi Jan­ǵalı Júzbaı jáne taǵy basqa zııaly qaýym ókilderi tuǵyrly tulǵanyń jan-jaqty qyryna toqtalyp, jyly áserge toly es­telik órbitti. Kesh barysynda arqaly aqynnyń óleńine ja­zylǵan «Jezkıikten» bastap, el súıip tyńdaıtyn birqatar án oryn­daldy.