Medıaholdıngtiń basshysy bolyp BAQ salasynda tájirıbesi mol Dosjan Soltanǵalıuly Omarhan taǵaıyndaldy.
Dosjan Omarhan 1986 jyly Shyǵys Qazaqstan oblysy Ulan aýdanynda dúnıege kelgen. Qazaq gýmanıtarlyq-zań ınnovasııalyq ýnıversıtetinde «Aqparattyq júıeler» mamandyǵy boıynsha bilim alǵan.
Eńbek jolyn 2005 jyly «31 Arna-О́skemen» JShS-da bastaǵan. 2008 jylǵa deıin dıktor ári jýrnalıst bolyp jumys istedi. 2010-2011 jyldary Shyǵys Qazaqstan oblysy densaýlyq saqtaý basqarmasynyń salaýatty ómir saltyn qalyptastyrý jónindegi OKJF baılanys jáne baspa bólimin basqardy.
Odan keıin 2014 jylǵa deıin «Qazaqstan» RTRK» AQ ShQO fılıalynyń redaktory jáne bas redaktory qyzmetterin atqardy. 2014-2019 jyldary Shyǵys Qazaqstan aqparat ortalyǵyna jetekshilik etti.
2020 jyldyń qańtarynda Dosjan Omarhan «Baqyrshyq taý-ken óndirý kásiporny» JShS qoǵammen baılanys bóliminiń basshysy bolǵan.
