Keshe Norvegııada shańǵydan jasóspirimder men jastar arasyndaǵy álem birinshiliginiń shymyldyǵy túrildi. Alty kúnge sozylatyn jarysta Qazaqstannyń namysyn bes sportshy qorǵaýda. Olar – Aısha Raqysheva, Kámıla Mahmutova, Svıatoslav Matasov, Marııa Lıýft jáne Temirlan Tólegenov. 26-27 aqpan kúnderi Reseıdiń Iаroslavl qalasynda shańǵy akrobatıkasynan álem kýbogynyń kezeńdik saıysy ótedi. Short-trektiń mogýl túrinen dál sondaı báseke Japonııanyń Tazavakosynda uıymdastyrylady. Sporttyń osy túrinen dúnıejúzilik dodany 18-20 naýryz kúnderi Kanadanyń Monreal shahary qabyldaıdy. Kelesi aıdyń basynda konkıshiler Norvegııanyń Hamarynda jalaýy jelbireıtin álem chempıonatynda bas qosady.
Sondaı-aq aqpannyń sońy men naýryz aıynyń aıaǵyna deıin bıatlon, shańǵy, shańǵy qossaıysy, shańǵymen tramplınnen sekirý, mánerlep sekirý jáne basqa da qysqy sport túrlerinen ótetin tartysty básekelerdi tamashalaımyz.
