Baǵdat Mýsınniń aıtýynsha, Prezıdenttiń kadrlyq rezerv jasaqtaý týraly bastamasy - myqty memleket qalyptastyrý jolyndaǵy mańyzdy qadamdardyń biri.
«Barshamyz «Jańa Qazaqstan» dep jatyrmyz. Sol «Jańa Qazaqstandy» qurýǵa qandaı septigimdi tıgize alamyn dep oılaný kerek. «Sen de bir kirpish dúnıege, ketigin tap ta bar qalan» dep Abaı atamyz aıtqandaı. Bul úshin ózderińiz de yntaly bolý kereksizder. Kadrlyq rezerv - jas ári yntaly mamandar úshin keremet múmkindik. Ári qaraı qalaı jumys isteısizder, qaı baǵytta at salysasyzdar - ózderińizge baılanysty. Eń bastysy, maqsatty aıqyndap, jaýapkershilikti seziný qajet», dedi mınıstr.
Sondaı-aq, Baǵdat Mýsın birinshi quramdaǵy rezervıstermen SDIAО́M-de qandaı jumystar atqarylyp jatqandyǵyn baıandap berdi. Olarǵa basqarma basshysy, departament dırektory jáne dırektordyń orynbasary, aımaqaralyq ınspeksııa basshysy vakanttyq laýazymdary usynylǵan bolatyn.
Qazirgi ýaqytta SDIAО́M men soǵan qarasty uıymdarda Prezıdenttik jastar kadrlyq rezerviniń 14 múshesi jumys istep júr. Onyń ústine 2022 jylǵy irikteý nátıjesi boıynsha SDIAО́M qarasty uıymdardyń 2 qyzmetkeri Prezıdenttik jastar kadrlyq rezervine endi.
