Qasym-Jomart Toqaev qazaq-mysyr qatynastarynyń tamyry tereń bolǵanymen, eki el arasyndaǵy zamanaýı dıplomatııalyq qatynastardyń ornaǵanyna bıyl 30 jyl tolǵanyn atap ótti. Osy merzim ishinde ekijaqty yntymaqtastyqtyń ártúrli salasy boıynsha birqatar jetistikterge qol jetkizildi.
Qazaqstan Prezıdenti eki el arasyndaǵy baılanystarynyń áleýeti áli de tolyq kólemde paıdalanylmaı otyrǵanyna nazar aýdaryp, mysyr tarapyn saýda-ekonomıka salasyndaǵy yqpaldastyqty damytýǵa shaqyrdy.
Sonymen qatar, Memleket basshysy qańtar oqıǵalaryna qatysty alańdaýshylyq tanytyp, nıettestik bildirgen Mysyr Prezıdenti Ábdel Fattah as-Sısı men barsha mysyr halqyna alǵysyn jetkizdi.
Qasym-Jomart Toqaev elimizdegi jaǵdaıdyń turaqtalǵanyn atap ótip, áleýmettik-ekonomıkalyq qaıta qurýdyń jańa strategııasyn júzege asyrý sharalary qabyldanǵanyn aıtty.
Áńgime sońynda Memleket basshysy Mysyr Prezıdentin Qazaqstanǵa ózine qolaıly merzimde saparmen kelýge shaqyrdy.
