Asa aýyr salmaqta aıqasyp júrgen qos alyp WBA Gold nusqasynyń altyn belbeýin sarapqa salady. Djonnıdiń jasy 31-de. Ol – Ońtústik Afrıka Respýblıkasynyń (OAR) týmasy. Búrkenshik esimi – «Daýyl». Kásipqoı rıngte Mıýller 2009 jyldan beri kúsh synasyp júr. Sol aralyqta 34 kezdesý ótkizip, 23 ret jeńiske jetti. Sonyń 14-inde aıqyn basymdyq tanytty. 9 márte utylyp, taǵy eki básekede teń esep tirkeldi. 2015 jyly OAR-dyń ókili WBO Inter-Continental nusqasynyń chempıondyq táji úshin jekpe-jekte bolashaq juldyz Aleksandr Ýsıkpen judyryqtasty. Bul tartys úshinshi raýndta ýkraınalyq boksshynyń aıqyn jeńisimen aıaqtaldy.
Qamshybek byltyr kúzde 30 jasqa toldy. Áýesqoı rıngte Olımpııa oıyndarynda qola alsa, álem jáne Azııa chempıonattarynda birneshe ret kúmis medaldi moınyna ildi. Kásipqoılar arasynda baq synap júrgenine bir jarym jyldaı boldy. Osy kúnge deıin tórt jekpe-jekte de jeńis toıyn toılap, úsh qarsylasyn nokaýtqa jiberdi.
