Qazaqstan tennıs federasııasynyń málimeti boıynsha Qazaqstan quramasynyń oıynshylary Jansultan Chembotev (kapıtan), Damır Qaldybekov, Ámir Omarhanov jáne Vıtalıı Zasepın aldyn ala irikteý saıystarynyń birinshi kezdesýinde malaızııalyq tennısshilerdi 3:0 esebimen tize búktirse, ekinshi oıynda da dál sondaı eseppen Iraktan aılasyn asyrdy. Al shırek fınalda Mońǵolııany utty – 3:0.
Alaıda jerlesterimiz úshin Vetnammen ótken jartylaı fınal kezdesýi biraz qıyndyq týdyrdy. Asa tartysty ótken oıynda jerlesterimiz 2:1 esebimen jeńiske jetip, fınalǵa joldama aldy. Fınalda Iran tennısshilerimen kezdesken Qazaqstan quramasy 0:2 esebimen utylyp qaldy. Soǵan qaramastan, Qazaqstan jasóspirimder quramasy sáýir aıynda osy Shrı-Lankada ótetin «Devıs kýbogynyń» irikteý kezeńinde de óner kórsetý múmkindigine ıe boldy.
