Bes jyldan beri uıymdastyrylyp kele jatqan baıqaýǵa bıyl 4 myńǵa jýyq ótinim tirkelgen. Bul – áleýmettik joba tarıhyndaǵy eń joǵary kórsetkish. О́tinimder sany boıynsha Nur-Sultan, Shymkent, Almaty jáne Almaty oblysy kósh bastap tur.
«Bolashaq» qaýymdastyǵynyń múshesi ári StartUp Bolashaq respýblıkalyq bıznes-jobalar baıqaýynyń bas demeýshisi, Alawwal partners kompanııasynyń basqarýshy seriktesi Qanysh Amanbaıuly joba jeńimpazdaryna granttar beriletinin aıtty.
«Baıqaýǵa joldanǵan jobalardyń kóp bóligi IT-sala, MarketPlace salasyna baǵyttalǵan. Ekinshisi – bilim berý sektory, dızaın, sán. Qatysýshylar arasynda áıelder kóp. Bul – qýantarlyq jaıt. Baıqaýda baq synaýshylardyń jasyna kelsek, barlyq sanattaǵy azamattar deýge bolady. Bıyldan bastap biz eshqandaı shekteýler qoımaımyz, ortasha jas – 28. Basty jańalyqtardyń biri – granttar bolmaıdy. Biz fınalısterdiń bıznes-perishtelerge óz jobalaryn tikeleı tanystyra alatyn alań usynamyz, ótinish berýshiler men ınvestorlar arasynda ashyq, jaqsy dıalog ornaıdy. Menińshe, bul kóptegen adamdarǵa jaqsy úlgi bolady jáne barlyǵy jobany tanystyrýdy, esepteýdi, aıtýdy, qorǵaýdy, ınvestor tartýdy úırenedi», dedi Q.Amanbaıuly.
Spıkerdiń aıtýynsha, baıqaýdaǵy taǵy bir úlken jańalyq – bıznes-perishtelerge mentor bolýǵa múmkindik beriledi. Bul – kásibin endi bastap otyrǵan kásipker úshin úlken artyqshylyq. О́ıtkeni ol qarjyǵa ǵana emes, ómirlik serikteske de ıe bolady. Bul bızneske ǵana emes, jalpy, ómirge de oń áserin tıgizedi. Qandaı da bolsyn keńester alyp, tájirıbeli kásipkerlerdiń jibergen qatelikterin bilýi múmkin. Bul jobaǵa óte jaqsy jáne nátıjeli áser etedi.
Osylaısha, bıyl StartUp Bolashaq respýblıkalyq bıznes-jobalar baıqaýyn ótkizý formaty ózgerdi. Burynǵydaı granttar berilmeıdi, fınalıster Qazaqstannyń tanymal jáne bedeldi bıznesmenderiniń ınvestısııalyq jáne saraptamalyq qoldaýyn ıelenedi. Bıznes-perishteler qaýymdastyǵynyń quramynda Qanysh Tóleýshın, Armanjan Baıtasov, Murat Ábdirahmanov, Qanat Kópbaev, Gaýhar Qapparova, Tımýr Týrlov, Erlan Isekeshev, Beıbit Álibekov, Dınara Sátjan jáne basqa da tanymal tulǵalar bar. Olar perspektıvaly bıznes-ıdeıalardy qaraýǵa birlesip qatysýǵa jáne 100 mln teńgeden bastalatyn ınvestısııalary bar shaǵyn jáne orta bıznes kásipkerlerdi qoldaýǵa daıyn. Bıznes-perishtelerdiń ınvestısııalyq usynysy bir jobaǵa 10 mln teńgeden bastap qaralady.
Qosa ketý kerek, 28 aqpanda baıqaýǵa ótinimderdi qabyldaý toqtatylady, naýryzda jartylaı fınalıster tańdalady, al naýryz aıynyń sońynda jeńimpazdar tizimi belgili bolady. Olardy bıznesmender, qoǵam qaıratkerleri, sarapshylardan turatyn komıssııa músheleri irikteıdi.
