Uıymdastyrýshylardyń aıtýynsha, baıqaý otbasylyq bolǵandyqtan oǵan ata-analarda úles qosty. Is-sharanyń maqsaty: otbasylyq qundylyqtardy saqtaý, salamatty ómir saltyn nasıhattaý, sondaı-aq Almaty aýdanyndaǵy qysqy demalys túrlerin kórsetýdi kózdegen.
Baıqaýǵa bas-aıaǵy 23 komanda qatysyp, olar ózderi ásemdep ákelgen qysqy shanalaryn jurtshylyqqa usyndy.
«Ulym «Aınalaıyn» balabaqshasyna barady. Baıqaýdy estigende oǵan birden qatysýǵa bel býdym. Shanany bezendirýdi uzaq ýaqyt oılandyq. Naýryz merekesi jaqyn qalǵandyqtan shanamyzdy kıiz úıge uqsatyp, sándedik», deıdi qala turǵyny Arman Esmaǵambetov.
Al Aısha Jumahmetova osyndaı baıqaýlarǵa otbasymen qatysqandy jaqsy kóredi eken. «Biz munda tek jeńis úshin keldik» dep aldymen kúlip alǵan ol: «Biz shanadan pırattyq keme jasadyq. Oǵan eki kún ýaqytymyz ketti. Alaıda shanadan jasaǵan kememiz oıymyzdan shyqty. Osyndaı mazmundy is-sharalar kóbirek ótip tursa, balalar da sportqa qyzyǵyp, ýaqytyn kóńildi ári tıimdi ótkizedi», deıdi.
Sonymen baıqaý qorytyndysynda «Eń ǵajaıyp shana», «Eń jyldam shana», «Eń uıymshyl otbasy» atalymdary boıynsha jeńimpazdar anyqtalyp, júldegerlerge baǵaly syılyqtar tabys etildi.
