Kóktemde sıklondar men antısıklondar jıi ózgerip, Qara jáne Jerorta teńizderi aýdanynan keletin jyly aǵymdar, Skandınavııa, Batys jáne Shyǵys Sibir aımaqtarynan keletin sýyq aǵymdar aýa temperatýrasynyń kúrt ózgerip, turaqsyz bolýyna áser etedi.
Mamandar málimetinshe, naýryzdyń birinshi onkúndigi bastalǵanda Batys jáne Sibir antısıklony áserinen respýblıkanyń basym bóliginde aýa temperatýrasy tómendeıdi.
«Aýa temperatýrasy túnde tómendeıdi: batysta, soltústik-batysta -5... -15 gradýsqa deıin; soltústik, ortalyq jáne shyǵysta -15... -25 gradýsqa deıin, eldiń ońtústik aımaqtarynda -3... -11 gradýsqa deıin. Eldiń soltústik-batysynda kúndizgi aýa temperatýrasy -3... +2 gradýs, Qazaqstannyń soltústik jartysynda -3... -8 gradýs, ońtústik jartysynda +8... + 15 gradýs, ońtústikte +20 gradýsqa deıin», delingen habarlamada.
Naýryzdyń birinshi onkúndigi ortasynda aýa raıy jyly bolady. Naýryzda elimizdiń basym bóliginde aýanyń ortasha aılyq temperatýrasy klımattyq normadan 1-2 gradýsqa joǵary, al Batys Qazaqstan oblysynda jáne Atyraý oblysynyń soltústik-batysynda normadan joǵary bolady dep kútiledi.
«Naýryzdaǵy jaýyn-shashyn mólsheri respýblıka aýmaǵynyń basym bóliginde normaǵa jaqyn, Qazaqstannyń soltústik-batys bóliginde normadan kóp bolady dep kútiledi», dedi sınoptıkter.
Sondaı-aq, onkúndik ortasynda Jerorta teńizi aýdandarynan kelgen sıklondar Qazaqstan aýmaǵynyń basym bóliginde aýa raıyna áser etedi. Jaýyn-shashyn bolyp, soltústik oblystarda jańbyr keı jerlerde qar jaýady, ońtústik oblystarda jańbyr jaýady, batysta, taýly jáne taý etegindegi aýdandarda qatty jaýyn-shashyn bolady.
«Jel ekpini sekýndyna 15-25 metrge deıin kúsheıedi, ońtústik-batysta qumdy daýyl soǵady dep kútiledi. Tuman men kóktaıǵaq qubylystary da bolady. Sýyq tolqynnan keıin aýa temperatýrasynyń qysqa merzimge joǵarylaýy kútiledi», dep qosty sarapshylar.
Onkúndik sońynda Batys antısıklon yǵysyp, jaýyn-shashyn toqtaıdy jáne aýa temperatýrasy qaıtadan tómendeıdi dep kútiledi: eldiń soltústik jartysynda túnde -10... -17 gradýs, kúndiz -5... -10 gradýs, ońtústik jartysynda túnde 0... -8 gradýs, kúndiz +3... +8 gradýsqa deıin.
Aıdyń ekinshi jáne úshinshi onkúndikterinde jaýyn-shashyn (jańbyr, qar), jel bolyp, eldiń soltústik, ortalyq jáne shyǵys óńirlerinde aýa raıynyń turaqsyz sıpaty kútiledi. Bul atmosferalyq frontal bólikterdiń jıi ótýine baılanysty. Qazaqstannyń basym bóliginde tuman, kóktaıǵaq kútiledi. Aýa temperatýrasy turaqsyz bolady.
