Mádenıet jáne sport mınıstri atap ótkendeı, «Dene shynyqtyrý jáne sport týraly» QR Zańyna sáıkes sport federasııalary barlyq sanattaǵy sport tóreshilerin daıarlaýdy júzege asyrýǵa mindetti.
«Búgingi tańda elimiz boıynsha 4 276 sýdıa bar. Olardyń 413-i Halyqaralyq sanatqa ıe, tek 12 sýdıa Tokıodaǵy Olımpıada oıyndarynda tóreshilikke tartyldy. Bul faktiler osy baǵyttaǵy jumystyń nasharlyǵyn kórsetedi», dedi vedomstvonyń keńeıtilgen alqa otyrysynda.
Mınıstrdiń aıtýynsha, federasııalardyń sýdıalardy daıyndaýǵa qyzyǵýshylyq tanytpaýy tómen jalaqydan týyndaıtynyn aıtty.
«Shýchınskide sport jarystarynyń bir kúnine qyzmet kórsetý úshin tóreshilerge 1 239 teńgeden tólenetinin aıtqan bolatynmyn. Osyǵan baılanysty biz sport tóreshileriniń eńbekaqysyn tarıfteýdi arttyrý boıynsha usynystar daıyndaýdamyz. Bul is júzinde erikti, aqy tólenbeıtin jumys. Sondyqtan bul júıeni qolǵa alý qoıý kerek», dep esepteıdi Dáýren Abaev.
