Jıynǵa ÚAK-tiń teń tóraǵalary Qazaqstan tarapynan QR Premer-Mınıstriniń orynbasary – saýda jáne ıntegrasııa mınıstri Baqyt Sultanov, Reseı tarapynan RF Úkimeti tóraǵasynyń orynbasary Alekseı Overchýk qatysty.
Taraptar saýda-ekonomıkalyq yntymaqtastyq, otyn-energetıka kesheni, ónerkásip, kólik, aýyl sharýashylyǵy salalaryndaǵy ózara is-qımyldyń aýqymdy máselelerin talqylady.
Qazaqstan men Reseı bıliktiń ártúrli deńgeılerindegi kezdesýlerdiń qarqyndylyǵymen nyǵaıtylǵan memleketaralyq baılanystardyń barlyq spektri boıynsha ekijaqty ózara is-qımyldyń dástúrli joǵary deńgeıine ıe.
Bıyl elder dıplomatııalyq qatynastardyń ornaǵanyna 30 jyl tolýyn atap ótýde. Qazaqstan men Reseı arasyndaǵy taýar aınalymy 2021 jyly 24,2 mlrd dollardy qurady, bul 2020 jylmen salystyrǵanda 29,1% - ǵa artyq.
Otyrys barysynda Baqyt Sultanov qos el arasyndaǵy saýda kólemi taıaý jyldary 30 mlrd dollarǵa jetýi múmkin ekenin atap ótti. Qazaqstan men Reseı arasynda tabysty ónerkásiptik kooperasııanyń mol tájirıbesi bar. Búginde mashına jasaý, metallýrgııa, hımııa ónerkásibi jáne t.b. salalarda shamamen 2,6 mlrd dollar somaǵa segiz iri birlesken joba iske asyrylýda. Onyń aıtýynsha, shamamen 1,4 mlrd dollar somaǵa taǵy 11 joba pysyqtaý satysynda tur.
«Mashına jasaý - ónerkásiptik kooperasııanyń negizgi baǵyty. Biz munaı-gaz mashına jasaý salasyndaǵy jańa kooperasııalyq jobalardy iske asyrýǵa, avtokomponenttik baza qurýǵa múddelimiz. Quramdas bólikter men qosalqy bólshekter óndirisin ıgerý arqyly avtomobıl ónerkásibindegi yntymaqtastyqty keńeıtýge nıettimiz», dedi Baqyt Sultanov.
Sondaı-aq, qazaqstandyq taraptyń bastamasy boıynsha Reseı naryǵyna joǵary voltty jabdyqtardyń qol jetkizý máselesi qaraldy. Bir-biriniń naryqtaryna ózara kemsitýsiz qol jetkizýdi qamtamasyz etý, onyń ishinde jabdyqty attestattaý kezinde naqty buzýshy synaqtardyń ornyna «esepteý ádisin» paıdalaný jáne osy tájirıbeni «Joǵary voltty jabdyqtyń qaýipsizdigi týraly» EAEO tehnıkalyq reglamentine jedel qol qoıý maqsatynda paıdalaný, memlekettik jáne jekelegen zańdy tulǵalardyń satyp alýyna teń qol jetkizý máselesin pysyqtaý jáne Reseıdiń iri jelilik energetıkalyq kompanııalaryna qol jetkizý úshin kórsetkishterdiń kópshiligi boıynsha qazaqstandyq zerthanalarda oryndalǵan synaqtardy taný ýaǵdalastyqqa qol jetkizildi. Reseı tarapy metallýrgııa, ǵylymı jáne óndiristik saladaǵy kooperasııany keńeıtýge múddelilik bildirdi.
Taraptar sıfrlyq kún tártibi, kedendik-salyqtyq ákimshilendirýdi jetildirý maqsatyndaǵy ózara is-qımyl, gıdroenergetıka salasyndaǵy jáne jańartylatyn energııa kózderi salasyndaǵy yntymaqtastyqty jandandyrý máselelerin qosa talqylady.
Jıyn sońynda Baqyt Sultanov ekijaqty yntymaqtastyqtyń barlyq baǵyttary boıynsha ózara is-qımyldy odan ári arttyrýǵa ázir ekenin jetkizdi.
Talqylaý qorytyndysy boıynsha Qazaqstan-Reseı Úkimetaralyq komıssııasynyń XXIII otyrysynyń hattamasyna qol qoıyldy.
Úkimetaralyq komıssııanyń kelesi XXIV otyrysy keler jyly Qazaqstan Respýblıkasynda ótedi.
