Jıynǵa halyqaralyq avtomobıl tasymaldaýshylary odaǵy (QazATO), «Atameken» Ulttyq kásipkerler palatasy, KazLogistics ókilderi, sondaı-aq Ýkraına aýmaǵynda qalyp qoıǵan avtomobılderdiń basym bóligi tıesili otandyq tasymaldaýshy qatysty.
Jınalys barysynda júk tasymaldaýshylary men júk avtomobılderiniń júrgizýshilerine kómek kórsetý boıynsha qabyldanyp jatqan jáne aldaǵy ýaqytqa josparlanǵan sharalar talqylandy.
Ýkraınada oryn alǵan oqıǵalardyń bastalýyna deıin el aýmaǵynda 50-ge jýyq qazaqstandyq júk avtokólik quraly bolǵan. Olardy Ýkraına aýmaǵynan shyǵarý úshin tasymaldaýshylardyń tizimi jasaldy. Atalǵan tizim QR Syrtqy ister mınıstrligine tapsyryldy.
QR IIDM Polsha men Moldovanyń memlekettik organdaryna mashınalar men júrgizýshilerden qosymsha qujattardy talap etpeı, ruqsattama usyný máseleleri boıynsha júgindi.
Aıta ketsek, 28 aqpan kúni QR Indýstrııa jáne ınfraqurylymdyq damý vıse-mınıstri Berik Kamalıev qazaqstandyq
Kelissóz nátıjeleri boıynsha, búgingi tańda 3 qazaqstandyq júk kóligi «Rovarýsskaıa» ótkizý pýnkti arqyly Ýkraına-Polsha shekarasyn kesip ótti. Qazirgi ýaqytta taǵy 8 kólik Ýkraına-Moldova shekarasynan «Starokozache-Týdora» ótkizý pýnkti arqyly ótedi. Qalǵan qazaqstandyq júk avtomobılderin shyǵarý boıynsha jumys jalǵasatyn bolady.
Keńes barysynda tasymaldaýshylarǵa birqatar usynys jasaldy. Atap aıtsaq:
- júrgizýshilerdi Ýkraınanyń batys bóligi arqyly Polsha men Moldova shekaralaryna baǵyttaý (eldiń atalǵan aýmaǵynda jaǵdaı turaqty jáne ótkizý pýnktteri ashyq);
- kólik quraldary Kıev pen Kıev oblysyna jaqyn jerde bolǵan jaǵdaıda olardy ahýal turaqtalǵanǵa deıin qoımalar, kópirler men basqa da qurylystardan qaýipsiz qashyqtyqqa jyljytyp, ornalastyrý.
Sonymen qatar tasymaldaýshylardyń nazaryna Belarýs shekarasy arqyly «jasyl dáliz» ashý máselesiniń pysyqtalyp jatqany týraly aqparat jetkizildi.
