Negizi eki sportshy UFC Vegas 49 týrnıri aıasynda oktagonda kezdesýge tıis bolǵan. Alaıda Beneıl Darıýsh jekpe-jek ýaqyty taıaǵan kezde jaraqat alyp, týrnırden tys qalǵan edi. Onyń ornyna Islamǵa qarsy oktagonǵa amerıkalyq Bobbı Gırn shyǵyp, Islam Mahachevten tehnıkalyq nokaýtpen jeńilgen bolatyn. Uıym basshysy Dana Ýaıt eki sportshy arasyndaǵy jekpe-jekti ótkizýge áli de nıetti ekenin baıqatty.
«Men áýelden-aq Islam Mahachev pen Beneıl Darıýsh kezdesýin uıymdastyrǵym kelgen. Bul ıdeıany áli de júzege asyrýǵa bolady. Qysqasy, bul shaıqasty is júzinde uıymdastyratyn bolamyz. Eger Islam Mahachev Beneıl Darıýshtan aılasyn asyrsa, áriqaraı bizdi qyzyqty kezdesýler kútip tur», dedi Dana Ýaıt.
Dana Ýaıt Islam atalmysh kezdesýde qarsylasyn jeńse, ony álem chempıony ataǵy úshin ótetin jekpe-jek kútip tur degendi osylaısha tuspaldap jetkizgen sekildi.
