Áńgimelesý barysynda olar Qazaqstan men Túrkııa arasyndaǵy strategııalyq seriktestikti damytýdyń perspektıvalary men halyqaralyq kún tártibiniń ózekti máselelerin talqylady.
Qasym-Jomart Toqaev Fýat Oktaıǵa iltıpat bildire otyryp, Túrkııa basshysy Rejep Taııp Erdoǵanǵa júrekjardy sálemin joldady jáne onyń bıyl mamyr aıynda Túrkııaǵa saparmen kelý jónindegi shaqyrtýyn shyn kóńilmen qabyl alǵanyn jetkizdi.
Memleket basshysy saıası, saýda-ekonomıkalyq, ınvestısııalyq jáne mádenı-gýmanıtarlyq salalardaǵy ekijaqty baılanystardyń deńgeıi joǵary ekenin atap ótip, qarym-qatynastardy odan ári jandandyra túsý qajet ekenine nazar aýdardy.
Túrkııanyń vıse-prezıdenti óz kezeginde Prezıdent Rejep Taııp Erdoǵannyń Qasym-Jomart Toqaevqa jáne Qazaqstan halqyna joldaǵan sálemin jetkizdi. Sondaı-aq Túrik eli Memleket basshysynyń saparyn asyǵa kútetinin aıtty.
Fýat Oktaı Qasym-Jomart Toqaevqa Qazaqstan men Túrkııa arasyndaǵy dıplomatııalyq baılanystardyń 30 jyldyǵyna oraı joldaǵan túrik basshysynyń quttyqtaý hatyn jetkizdi.
Túrkııanyń vıse-prezıdenti elimizde syn-qaterlerdi eńserý úshin qabyldanǵan sharalardy jáne Qazaqstan Prezıdentiniń myqty ári batyl basshylyǵymen júzege asyrylyp jatqan reformalardy joǵary baǵalady.
Kezdesý sońynda Qasym-Jomart Toqaev Rejep Taııp Erdoǵannyń bıyl qazan aıynda Nur-Sultan qalasynda ótetin Azııadaǵy ózara is-qımyl jáne senim sharalary jónindegi keńestiń VI sammıtine qatysý týraly sheshimine rızashylyq bildirdi.
