Rail-news.kz málimetinshe, 17 naýryzdan bastap «Nurly Jol – Semeı» baǵytyndaǵy poıyz quramynda jańa RWS Wagon vagondary júre bastaıdy.
Poıyz quramynda barlyǵy 9 vagon bolady: 3 kýpe, 5 plaskart jáne 1 shtabtyq vagon. Bir baǵytta 350-den astam jolaýshyny tasymaldaýǵa múmkindik bar.
Ulttyq tasymaldaýshynyń málimetinshe, №353/354 poıyzy kún ara qatynaıdy:
– «Nurly Jol» stansasynan 17:55-te;
– Semeı stansasynan 16:45-te jolǵa shyǵady.
Buǵan deıin bul baǵytta 1993 jyly shyǵarylǵan vagondar paıdalanylǵan. Qazir olardyń ornyna jańa býyndaǵy zamanaýı vagondar qoıyldy.
Naýryz merekesi qarsańynda Qazaqstanda qosymsha elektrpoıyzdar iske qosylady
Kompanııada atap ótkendeı, jańa vagondar dızaın, qaýipsizdik, senimdilik jáne jaılylyq boıynsha zamanaýı halyqaralyq talaptarǵa saı jasalǵan. Múmkindigi shekteýli jolaýshylar úshin arnaıy kýpeler, múgedekter arbasyna arnalǵan oryndar jáne jolserikti shaqyrý batyrmasy qarastyrylǵan. Vagondardyń qyzmet etý merzimi 40 jylǵa deıin.
Sońǵy eki jyl ishinde «Jolaýshylar tasymaly» AQ RWS Wagon (ZIKSTO) óndirisiniń 219 vagonyn satyp aldy. Jańa vagondar sondaı-aq, «Aqtóbe – Atyraý», «Pavlodar – Túrkistan», «Pavlodar – Almaty», «Qyzylorda – Semeı», «Almaty – Saratov», «Almaty – О́skemen», «Astana – Kókshetaý», «Astana – Býrabaı kýrorty», «Qaraǵandy – Astana» baǵyttarynda da qatynaýda.
Qazaqstanda áıelderge arnalǵan vagondar qaı baǵyttarda qatynaıdy?
Vagon parkin jańartý Memleket basshysynyń tapsyrmasy aıasynda Ulttyq tasymaldaýshynyń negizgi strategııalyq baǵyttarynyń biri sanalady. 2030 jylǵa deıingi jańǵyrtý baǵdarlamasy sheńberinde jolaýshylar vagondary tolyqtaı jańartylady.
