Bıylǵy dop dodasynda barlyǵy 14 komanda baq synaıdy. Olar eki aınalym júıesi boıynsha sheberlik baıqasady. Alǵashqy týr oıyndary 5 jáne 6 naýryz kúnderine belgilengen.
Búgin, 5 naýryzda bes komanda ózara kezdesedi. Dop dodasynyń shymyldyǵyn elorda ýaqytymen 15.00-de «Ordabasy» (Shymkent) - «Maqtaral» (Túrkistan oblysy), «Astana» (Nur-Sultan) men «Shahter» (Qaraǵandy) komandalary oıynymen ashylady.
Elordadaǵy oıyn «Qazsport» telearnasynan tikeleı efırde kórsetiledi. Odan keıin 16.00-de «Atyraý» men «Aqsý» (Pavlodar oblysy), «Kaspıı» (Aqtaý) men «Qyzyljar» (Petropavl) klýbtary jasyl alańǵa shyǵady.
Sondaı-aq, 17.00-de «Turan» (Túrkistan) men «Taraz» komandalary sheberlik baıqasady. Atalǵan kezdesý «Qazsport» telearnasynan tikeleı efırde kórsetiledi. Al 6 naýryzda qalǵan eki oıyn bolady. Aldymen 15.00-de «Qaırat» (Almaty) men «Aqtóbe», 17.00-de «Tobyl» (Qostanaı) men «Aqjaıyq» (Oral) komandalary oınaıdy.
Bul kúngi eki oıyn da «Qazsport» telearnasynan tikeleı efırde kórsetiledi.
