Oqýshylar AQSh-qa joldama jeńip aldy

Joldama oqýshylarǵa robototehnıkadan FIRST halyqaralyq chempıonatynyń ulttyq fınaly qorytyndysy boıynsha berildi. Ulttyq jarysqa Qazaqstan­nyń túkpir-túkpirinen 700-den asa oqý­shy qatysty. Nátıjesinde, 4 oqýshy Súleıman Demırel atyn­daǵy ýnıversıtette oqýǵa múm­kindik beretin grant utyp al­dy. Sonymen qatar chempıonatqa qa­tysqan 10 komanda Máskeý qala­syndaǵy FIRST jarysyna, al Krasnoıarsk qalasyna 6 komanda attanady.

Qazaqstandaǵy FIRST robototehnıka boıynsha halyqaralyq jarysynyń uıymdastyrýshysy Nurdáýlet Dosmaǵambet: «Bıyl qatysýshylar «Júk tasymaly» taqyryby boıynsha tapsyrma­lar oryndady. Sondyqtan oqý­shy­lar ózderi oılap tapqan sha­ǵyn júkterdi tasymaldaıtyn, ta­ýar­lardy suryptaıtyn jáne ke­dergilerdi aınalyp óte­tin robottardy tanystyrdy. Chempıo­nat­tyń qorytyndysy boıynsha tórt komanda AQSh-qa joldama jeńip aldy. Buǵan qosa Almaty, Semeı jáne Túrkistan oblysy­nan 4 oqýshy bilim granttaryn jeńip aldy. Chempıonatqa elimizdiń sha­ǵyn aýyldary men qalalarynan kelgen mektep oqýshylaryn atap ótkim keledi. Buǵan deıin Túr­kistan, Qyzylorda jáne Shy­ǵys Qazaqstan oblystarynda, Aq­mola oblysynyń Atbasar qala­synda mektep oqýshylary men muǵa­limderine robototehnıkadan trenıngter men jarystar ótkizip, balalar men oqytýshylardyń qyzyǵýshylyǵyn kórdik. Olar chempıonatqa kelip, bilim jaǵynan úlken qalalardyń oqýshylary­nan kem túspeıtinine kóz jetkize aldy», deıdi.

Oqýshylar ǵana emes, mu­ǵa­­limder de yntalandyrýdan quralaqan qalmapty. 6 muǵa­lim Best Mentor Award nomı­na­sııasy boıynsha FIRST mara­pattaryna ıe boldy. Osy marapatty al­ǵan­dardyń biri Ásem Qasym Qa­ra­ǵandy oblystyq daryndy balalarǵa arnalǵan maman­dandyrylǵan «Daryn» mektep-ınternatynda ınformatıka men sporttyq robototehnıkadan sabaq beredi.

Bilim jáne ǵylym mınıstrli­gi oqýshylar men muǵalimder qaty­satyn olımpıadalar tizimine FIRST chempıonatyn engizgen. Jyl saıyn FIRST jarysynyń uıymdastyrýshylary 6 men 18 jas aralyǵyndaǵy balalar arasynda túrli baıqaýlar ótkizedi. Ár sa­ıys taqyryby jáne tapsyrma­lar­dyń kúrdeliligimen erekshele­ne­di. Tapsyrmalar naqty álem­dik máse­lelermen baılanysty, atap aıtqanda, ónerkásipti avtomattandyrý, taý-ken óndirý, qaldyqtardy óńdeý, ǵaryshty zertteý, bıomedısına jáne basqa da mańyzdy taqyryptardy qamtıdy.