Oblys ákimi Qumar Aqsaqalov Analar merekesi qarsańynda 7 balanyń anasy Inesh Janaıdarova, Anna Ábisheva jáne Irına Isaevaǵa «Altyn alqa» tapsyrdy. Al 6 balany dúnıege ákelip, tárbıelegen Anar Amantaeva men Gúlbarshyn Aqtaeva «Kúmis alqa» aldy. «Ana» sózi – bárimizge qasıetti uǵym. Ár adamnyń ómirinde ananyń alar orny bólek. Osy oraıda kópbalaly analar aıryqsha qurmetke laıyq. Halyqaralyq áıelder kúni qarsańynda kópbalaly analardy kóktemniń shýaqty merekesimen quttyqtaımyn. О́z ómirlerin bala tárbıesine arnap kele jatqan batyr analarǵa bas ıip, alǵys aıtamyn» dep jazdy oblys ákimi Qumar Aqsaqalov áleýmettik jelidegi paraqshasynda.
Al Soltústik Qazaqstan oblysynyń Polısııa departamentinde 409 qyz-kelinshek qyzmet etedi. Olardan basqa 175 áıel adam erikti jaldamaly qyzmette. Ofıserlerdiń ishinde 10-y basshylyq laýazymdy atqarýda. Polısııa departamentiniń bastyǵy, polkovnık Aıdyn Qabdyldınov áıel qyzmetkerlerdi 8 naýryz meıramymen quttyqtap: «Ár qyzmetkerdiń eńbegi erekshe baǵaly. Áıelder qolǵa alǵan jumysyn únemi jaýapkershilikpen atqarady. Tabandylyq pen shydamdylyqtyń arqasynda sizder otbasynyń qamqorlyǵy men polısııadaǵy jaýapkershiligi zor kúrdeli jumysty qatar alyp kelesizder», dedi.
Osy kúni 40-qa jýyq qyz-kelinshek vedomstvolyq medaldar, tósbelgiler, Qurmet gramotalary, Alǵyshattar aldy. Áıel polıseılerdiń shyǵarmashylyq qabiletterin kórsetken mýzykalyq beınerolıkter, sondaı-aq barlyq kórermenniń júrekterin eljiretken analar men ájeler jaıly beınerolıkter zalǵa jınalǵan qyz-kelinshekterge erekshe kóńil kúı syılady. Merekege arnalǵan jıyn polısııa qyzmetkerleriniń balalary men oblystyq PD Mádenı ortalyǵynyń qyzmetkerleri óner kórsetken konsertpen aıaqtaldy.
Soltústik Qazaqstan oblysy
