Sýyq antısıklon Qazaqstan terrıtorııasyna jyljı otyryp, elimizdiń soltústik jartysynda jaýyn-shashynnyń toqtaýyna jáne aýa temperatýrasynyń aıtarlyqtaı tómendeýine ákeledi.
Alaıda, fronttar ońtústik aýdandarǵa áser etýin jalǵastyrady – jaýyn-shashyn (jańbyr, qar), taýly aýdandarda qatty jaýyn-shashyn jaýady. Respýblıka boıynsha keı jerlerde jel kúsheıedi, shyǵysta - jaıaý burqasyn soǵyp, tuman túsedi, batysta - kóktaıǵaq, ońtústikte - naızaǵaı jarqyldaıdy.
Túnde Shyǵys Qazaqstan oblysynyń shyǵysynda jaıaý burqasyn kóteriledi.
Túnde jáne tańerteń óńirdiń ońtústiginde tuman túsedi, kúndiz ońtústik-batysta jeldiń kúshi 15-20 m/s jetedi. Jambyl oblysynyń soltústiginde, taýly aýdandarynda tuman túsedi, ońtústik-batysynda, soltústik-shyǵysynda jáne taýly aýdandarda jel qarqyny 15-20 m/s deıin kúsheıedi.
Túrkistan oblysynyń taýly aýdandarynda tuman túsip, naızaǵaı oınaıdy, jel ekpini - 15-20 m/s.
Batys Qazaqstan oblysynyń soltústiginde, ońtústik-batysynda tuman túsedi, kúndiz kóktaıǵaq kútiledi.
Atyraý oblysynyń soltústiginde tuman túsip, kóktaıǵaq bolady.
Aqmola oblysynyń shyǵysynda, Almaty oblysynyń taý jáne taýly aýdandarynda, Qostanaı oblysynyń soltústiginde, Soltústik Qazaqstan oblysynyń ońtústiginde, túnde jáne tańerteń Qaraǵandy oblysynyń batysynda, soltústiginde, Qyzylorda oblysynyń ońtústiginde kún tumandy.
