Eldiń birqatar aımaqtarynda sektordaǵy baǵanyń ósýi erekshe baıqaldy. Máselen, Shyǵys Qazaqstan oblysynda avıatasymaldaý qyzmetteriniń quny bir jylda birden 45,7%-ǵa ósti. Antılıderler úshtiginde Mańǵystaý (43,2%-ǵa) jáne Túrkistan (34,8%-ǵa) oblystary da bar.
Sonymen qatar, Aqmola jáne Soltústik Qazaqstan oblystarynda baǵalar ózgergen joq, al Pavlodar jáne Jambyl oblystarynda tıisinshe 14,2% jáne 22,2%-ǵa tómendedi.
Osy jyldyń qańtar aıynda avıakompanııalardyń kiristeri 20,9 mlrd teńgeni qurady. Kiristerdiń basym bóligi, ıaǵnı 20,4 mlrd teńge dástúrli túrde jolaýshylar tasymalyna tıesili. Júk tasymaldaýdan túsken tabys 534,8 mln teńgeni, júrgizýshimen kólik quraldaryn jalǵa berýden túsken tabys - 215 mln teńgeni qurady.
Salystyryp kórsek, ótken jyldyń uqsas kezeńinde kirister 40,8%-ǵa, ıaǵnı 19,6 mlrd teńgege deıin tómendedi.
2022 jyldyń qańtar aıynyń qorytyndysy boıynsha Qazaqstandyq avıakompanııalar 527 myń adamdy tasymaldady - bul bir jyl burynǵyǵa qaraǵanda 11%-ǵa az. Jolaýshylar aınalymy, kerisinshe, jylyna 0,6% - ǵa, 850,9 mln JKM-ge deıin birshama ósti.
Áýe kóligimen júk tasymaldaý salasynda aıtarlyqtaı tómendeý baıqaldy. Osy jyldyń qańtar aıynda júk tasymaldaý kólemi bir jyl burynǵy uqsas kezeńge qaraǵanda 53,2%-ǵa, 1,2 myń tonnaǵa deıin qysqardy.
