Kelisimniń maqsaty - teńdik jáne ózara qurmet qaǵıdattary negizinde memleketterdiń ulttyq zańnamalaryna jáne halyqaralyq quqyqtyq normalarǵa sáıkes bilim berý salasyndaǵy yntymaqtastyqty damytý.
Qujat kelesi salalardaǵy yntymaqtastyqty qarastyrady:
- Bilim berý salasynda tájirıbe almasý, bilim berý baǵdarlamalaryn iske asyrý, birlesken jobalardy júrgizý, ǵylymı jarııalanymdarmen almasýdy yntalandyrý;
- Ǵylymı qyzmetkerlermen, sarapshylarmen, muǵalimdermen, bilim berý uıymdarynyń basshylarymen jáne stýdenttermen almasýdy yntalandyrý;
- Bilim berý salasyndaǵy basshylar, muǵalimder jáne qyzmetkerler úshin biliktilikti arttyrý baǵdarlamalaryn uıymdastyrý;
- Oqý baǵdarlamalary men materıaldaryn ázirleý men jetildirýde tájirıbe almasý;
- Bilim berýde jańa tehnologııalardy qoldaný salasynda tájirıbe almasý;
- Jalpy bilim berý júıesin ólsheý jáne baǵalaý júıelerine qatysty aqparat pen tájirıbeni ózara almasý;
- О́zara negizde stýdentterdiń ǵylymı jáne mádenı olımpıadalarǵa qatysýyn yntalandyrý;
- Semınarlar, kórmeler, konferensııalar, ǵylymı zertteýler sııaqty is-sharalarǵa ózara qatysýdy kótermeleý;
- Birlesken baǵdarlamalar, seriktestik qatynastar/baýyrlas bilim berý uıymdary/jáne stýdenttik qyzmet boıynsha bilim berý mekemeleri arasyndaǵy yntymaqtastyqty damytý;
- Jastar saıasaty jáne kommýnıkasııa salasyndaǵy yntymaqtastyqty damytý.
Budan basqa, taraptar bir-biriniń elderinde ózara túsinistik negizinde oqý oryndaryn ashady dep kózdeledi.
Sondaı-aq:
- Kelisim sheńberinde taǵaıyndalatyn ǵylymı qyzmetkerlerge, oqytýshylarǵa, muǵalimderge jáne olardyń otbasy múshelerine vıza berý kezinde járdem kórsetedi;
- Oqý oryndarynda Qazaqstan men Túrkııa ádebıeti, mádenıeti men tarıhyn zertteý jumystaryn qoldaıdy;
- Qazaq jáne túrik tilderin oqytý ortalyqtaryn ashý múmkindigi ózara negizde qarastyrylady
- Qazaqstan tarapy Túrik tilin oqytýdy kótermeleıdi jáne túrik tarapy qazaq tilin oqytýdy kótermeleıdi.
Qujat Ashyq NQA saıtynda jarııa talqylaý úshin 30 naýryzǵa deıin ornalastyrylǵan.
