Saılaý jáne referendýmdar jónindegi ortalyq komıssııasy 12 naýryzda jergilikti ýaqyt 19-00-degi málimet boıynsha, saılaýshylardyń 97,12% daýys bergenin habarlady. Resmı derek boıynsha, búkil oblys pen el astanasynda daýys berýge kelýshiler 97% quraǵan. Bul kórsetkish sheteldegi ýchaskelerde 91 prosentke jýyqtaıdy.
Sarapshylardyń kóbi qazirgi prezıdenttiń uly 40 jastaǵy Serdar Berdimuhamedov aıqyn basymdyqpen jeńiske jetedi dep boljaıdy. Saıası dodaǵa odan basqa 8 úmitker qatysqan. Serdar Berdimuhamedov ótken jyldyń 11-13 aqpanynda vıse-premer, Joǵary baqylaý palatasynyń tóraǵasy bolyp taǵaıyndalyp, Túrikmenstannyń Memlekettik qaýipsizdik keńesiniń quramyna engen.
Jańa memleket basshysyn ulyqtaý rásimi 19 naýryzǵa belgilenip otyr. Túrkimenstanda prezıdent 7 jyl merzimge saılanady.
