«Azyq-túlik ónimderin óndirý toqtatylmaıdy, qorlar júıeli negizde tolyqtyrylyp otyrady. QR AShM deregi boıynsha jarma, un, konserviler jáne basqa da taýarlar óndirisi úshin jetkilikti shıkizat, sondaı-aq et jáne sút ónimderin óndirý úshin jetkilikti mal basy bar. Jedel derekter boıynsha respýblıka boıynsha barlyǵy 1,5 mln tonna áleýmettik mańyzy bar azyq-túlik taýarlarynyń qory bar. Onyń ishinde un – 145,1 myń tonna, qant – 47,6 myń tonna, kúrish – 40,2 myń tonna, makaron – 21,3 myń tonna jáne 1 mln tonna kókónis ónimderi jáne taǵy basqalary», - dedi mınıstrlikten.
«Qant óndirisi jalǵasyp jatyr, toqtamaıdy! Qor toltyrylyp otyrady. Sondaı-aq qazirgi ýaqytta Qostanaı, Qaraǵandy, Aqmola, Pavlodar jáne Soltústik Qazaqstan oblystarynda básekelestikke qarsy kelisilgen áreketpen áleýmettik mańyzy bar azyq-túlik taýar (ÁMAT) baǵasyn kóterý faktisi boıynsha, sondaı-aq Mańǵystaý jáne Almaty oblystarynda tyńaıtqysh óndirýge qatysty anyqtaý jumysy jalǵasyp jatyr», - dedi vedomstvodan.
Qantqa qatysty dúrbeleń Reseıdiń 2022 jyldyń 31 tamyzyna deıin qant eksportyna ýaqytsha tyıym salýymen baılanysty týyndaǵan bolatyn.
