Olar boıynsha azaptaý jáne qyzmetti asyra paıdalanýǵa qatysty 243 qylmystyq is qozǵalǵan. Sybaılas jemqorlyqqa qarsy qyzmette 234 qylmystyq is qaralyp jatyr.
«Ýaqytsha ustaý ızolıatorlarynda adamdardyń qaza bolǵany týraly toǵyz jaǵdaıdy arnaıy prokýrorlar tergeýge aldy. Atalǵan ister aıasynda ustalǵandar 9 laýazymdy tulǵa, onyń ishinde 8 adam UQKD qyzmetkeri jáne bireýi polısııa qyzmetkeri. Olar sottyń sanksııasymen qamaýǵa alyndy. Onyń ishinde Almaty oblysy polısııa departamentiniń ǵımaratynda útik qoldanyp azaptaǵan polıseı bar. Almaty qalasynda da UQKD-nyń alty qyzmetkeri azaptaýdy qoldandy degen kúdikke ilindi. Buǵan qosa, «dıkıı» Arman qylmystyq toby urlap ketken 24 azamattyń barlyǵy dene jaraqatyn alyp, bir adam qaıtys boldy. Almaty oblysy UQKD-nyń taǵy eki qyzmetkeri buryn ýaqytsha ustaý ızolıatorynda ustalǵan adamdy uryp-soqqan. Tergeý jalǵasýda», deıdi Bas prokýror Berik Asylov.
Onyń aıtýynsha, respýblıka boıynsha barlyǵy 230 adam qaza tapty, sonyń ishinde 19 áskerı jáne qaýipsizdik kúshteri. Almaty qalasynda qaza tapqandar sany 139 adam. Onyń ishinde 53 qaıtys bolǵan adamnyń ólimniń mán-jaıy anyqtalýda. Olar qala aýmaǵynda ártúrli jaraqattarmen, sonyń ishinde 48 – atys, 2 – pyshaq jaraqattarymen tabylǵan.
