«Qurban bolǵandardyń tizimin biz resmı túrde jarııalaǵan joqpyz. Ony jarııalaýdyń aldynda qurban bolǵandardyń áke-shesheleri men týysqandaryna qosymsha qaıǵy ákelemiz dep oılaımyz», dedi Bas prokýror Májilistiń jalpy otyrysynda qoıylǵan suraqtarǵa bergen jaýabynda.
Sondaı-aq ol oqıǵa kezinde mert bolǵandardyń qandaı sanatatqa jatatyny anyqtalatynyn aıtty.
«Al endi 230 adam mert boldy dep aıtyp kettik. Osylardyń isteri boıynsha kóptegen ister qozǵadyq. Adam ólý faktileri boıynsha 94 fakt, terrorızm faktileri boıynsha 46 is qozǵaldy. Tergeý kezinde biz mán-jaıdyń bárin tekserip, qansha terrorıst, onyń kim ekenin, kimniń shabýyl jasaýshy, kimniń beıbit turǵyn ekenin tekseris arqyly sheshim qabyldap, ózińizge baıandaımyz», dedi Berik Asylov.
Májilis tóraǵasy Erlan Qoshanov qaıtys bolǵandardyń tizimin jarııalaýǵa tergeý amaldarynyń shekteýleriniń áseri bar-joǵyn surady.
«Shekteýler bar. Kimniń kim ekeni tergeýler kezinde zerdelenedi. Sonyń bári anyqtalǵannan keıin biz ony jarııalaı alamyz», dedi Bas prokýror.
