Sport • 16 Naýryz, 2022

Azarenkodan aılasyn asyrdy

145 ret
kórsetildi
1 mın
oqý úshin

AQSh-tyń Indıan-Ýells qalasynda ótip jatqan týrnırde Qazaqstannyń qos tennısshisi – Aleksandr Býblık pen Elena Rybakına tabysty óner kórsetýde.

Azarenkodan aılasyn asyrdy

Buǵan deıin biz Býblıktiń Ulybrı­tanııanyń áıgili oıynshysy, Olımpııa oıyndarynyń jeńimpazy Endı Marreıdi jeńgeni jaıynda jazǵanbyz. Keshe Rybakına da óz jankúıerlerin qýantty. Úshinshi kezeńde ol álemniń eks-birinshi raketkasy Vıktorııa Azarenkomen kezdesti. 32 jastaǵy Belarýs eliniń ókili kezinde Aýs­tralııanyń ashyq birinshiligin utyp, US open dodasynyń fınalynda oınaǵan. Rolan Garros pen Ýımbldonda jartylaı fınalǵa deıin jetip, WTA týrnırlerinde 21 ret jeńimpaz atandy. 2012 jyly London Olımpıadasynyń jekelegen synynda Azarenko qola alsa, juptyq saıysta altynnan alqa taqty. Biraq bul kúni óte tamasha óner kórsetken Elena bir jarym saǵattan asa ýaqytqa sozylǵan básekeni 6:3, 6:4 esebimen óz paıdasyna sheshti. Endi otandasymyz shveısarııalyq Vıktorııa Golýbıchpen sheberlik baıqasady.

Atalǵan jarystyń basty favorıtteriniń biri sanalǵan álemniń birinshi raketkasy, reseılik Danııl Medvedev keshe fran­sııalyq Gael Monfıske 6:4, 3:6, 1:6 esebimen ese jiberip, kórermender qataryna qosyldy.