«Atmosferalyq frontaldy bólikterdiń ótýimen Qazaqstannyń basym bóliginde jaýyn-shashyn, respýblıkanyń soltústik jartysynda negizinen qar túrinde, ońtústik jartysynda negizinen jańbyr túrindegi jaýyn-shashyn jaýady, ońtústiktiń, ońtústik-shyǵystyń taýly aýdandarynda qatty jaýyn-shashyn (jańbyr, qar) jaýady. QR boıynsha jel kúsheıip, tuman túsip, kóktaıǵaq bolyp, jaıaý burqasyn soǵady. Respýblıkanyń ońtústiginde naızaǵaı oınaıdy», delingen «Qazgıdromet» habarlamasynda.
Atap aıtqanda, Túrkistan oblysynyń taýly, taý bókterli aýdandarynda tuman túsip, kúndiz naızaǵaı oınaıdy, batysynda jáne taýly aýdandarynda jel 15-20 m/s kúsheıedi.
Almaty, Jambyl oblystarynyń soltústiginde, taýly aýdandarynda tuman túsip, Jambyl oblysynyń ońtústik-batysynda, soltústik-shyǵysynda, taýly aýdandarynda jel 15-20, keı ýaqytta ekpini 23 m/s deıin kúsheıedi.
Aqtóbe oblysynyń soltústiginde, batysynda, Qostanaı oblysynyń ońtústiginde jeldiń kúshi 15-20 m/s jetip, Qostanaı oblysynyń shyǵysynda, ońtústik-shyǵysynda tuman túsedi.
Batys Qazaqstan oblysynyń ońtústiginde tuman túsip, kúndiz soltústiginde jaıaý burqasyn, kóktaıǵaq bolady, soltústiginde, soltústik-shyǵysynda jel 15-20 m/s kúsheıedi.
Atyraý oblysynyń soltústik-shyǵysynda jaıaý burqasyn, kóktaıǵaq bolyp, jeldiń kúshi 15-20 m/s jetedi.
Qyzylorda oblysynyń ortalyǵynda tuman túsip, kúndiz jel 15-20 m/s kúsheıedi, kúndiz oblystyń ortalyǵynda jáne ońtústiginde kóktaıǵaq bolady.
Aqmola oblysynyń ońtústiginde, soltústik-batysynda, Soltústik Qazaqstan oblysynyń ońtústik-batysynda tuman túsedi.
Shyǵys Qazaqstan oblysynda joldarda kóktaıǵaq bolyp, túnde soltústikte, shyǵysynda tuman túsedi.
Mańǵystaý oblysynda kóktaıǵaq bolyp, tuman túsedi.
