Ustalǵan búlikshiler kinásin moıyndap, urlanǵan zattardy jasyrǵan jerdi kórsetti. Bul joly jasyryn oryn ulttyq park aýmaǵynda, orman beldeýinde ornalasqan.
«Tapanshalar, patrondar, polısııa kıimderi salynǵan paketter jerdegi kárizge jasyrylǵan. Úsh tapansha, 15 granata, Makarov tapanshasynan 100-den astam patron, Kalashnıkov avtomatynan – 107, ańshylyq myltyqtan – 16, eki oq ótpeıtin jılet, protıvogaz, radıostansııa, polısııa formasy, kamýflıajdyq rıýkzak, sonymen qatar, 2 400 AQSh dollary kólemindegi qolma-qol aqsha tabyldy. Qarý-jaraq jappaı tártipsizdikter kezinde urlanǵan bolýy múmkin. Atalǵan derek boıynsha Medeý aýdandyq Polısııa basqarmasynda QR QK-niń 287-baby 2-bóligi boıynsha sotqa deıingi tergeý amaldary bastaldy», dedi Almaty qalasy boıynsha QAJD SI-18 jedel jumys jónindegi bastyqtyń orynbasary Azamat Amanjolov.
