1990 jyly ashylǵan Dańq zaly AQSh-tyń Nıý-Iork qalasynyń dál irgesindegi Kanastote eldi mekeninde ornalasqan. Bul jerden ataǵy alysqa jaıylǵan bylǵary qolǵap sheberlerinen bastap, maıtalman mamandar men bilikti bapkerlerdiń, atalǵan sport túriniń órkendeýine ólsheýsiz úles qosqan aıtýly azamattar jáne osy taqyrypty tereńnen zerttep ári zerdelep júrgen tarıhshylar men jýrnalısterdiń de esimderin keziktirýge bolady. Sońǵy eki-úsh jyl aralyǵynda bul tizim Bernard Hopkıns, Hýan Manýel Markes, Sheın Moslı, Floıd Meıvezer, Vladımır Klıchko, Andre Ýord, Mıgel Kotto, Roı Djons jáne Djeıms Tonı syndy dúldúldermen tolyqqan edi.
Bıyl jazda attary ańyzǵa aınalǵan boksshylardyń sanatyna Qazaqstannyń maqtanyshy Gennadıı Golovkın de qosylýy múmkin. Sondaı-aq Dańq zalyna enýge úmittiler qatarynda ýkraınalyq Vasılıı Lomachenko men meksıkalyq Saýl Alvares jáne ulybrıtanııalyq Taıson Fıýrı de bar.
