Belgili ánshi-kompozıtor Bolat Esmuhanovtyń esimi ónersúıer qaýymǵa jaqsy tanys. Daryn ıesi ótken ǵasyrdyń 60-70-shi jyldary qazaq estradasynda qubylys bolǵan «Qarakóz» ansambliniń negizin qalaýshylardyń biri boldy.
Osy ujymnyń quramynda júrip, ol tyńdarman qaýym jyly qabyldaǵan birneshe án jazdy. Solardyń qatarynda 1963 jyly dúnıege kelgen «Saǵynysh» ánin aıtýǵa bolady. Sonymen birge ol sózin Tumanbaı Moldaǵalıev jazǵan «Mahabbat muńy» atty ánniń de mýzykasyn shyǵarǵan.
Jezqazǵan tarıhı-arheologııalyq mýzeıiniń ǵylymı qyzmetkeri Aqnur Rahmetova ánshi-kompozıtordyń ónerdegi ekinshi tynysy 1974 jyly oblysta jańa qurylǵan fılarmonııaǵa ánshi bolyp jumysqa qabyldanǵannan keıin ashylǵanyn aıtady.
«Osy fılormanııa quramyndaǵy «Jezkıik» ansambliniń ánshisi ári gıtarashysy bola júrip, ol sol kezderi halyq arasynda keń taraǵan «Asylym», «Saǵynysh» ánderin jazdy. Belgili aqyn Bákir Tájibaev Jezqazǵan óńirine shyǵarmashylyq saparmen kelgende, óner ıeleri tize qosyp, «Sánim-aý», «Jalǵyz japyraq» ánderin shyǵarǵan», – deıdi ol.
Sondaı-aq Esmuhanovtar otbasy ónerli shańyraq retinde de tanymal. Olar Jezqazǵan qalasynda 1988 jyly ótken «Baıqońyr daýysy» festıvaliniń laýreaty atanǵan.
Qaraǵandy oblysy,
Jezqazǵan qalasy
