Olardyń qatarynda óndiris, densaýlyq saqtaý salalarynyń qyzmetkerleri, bıznes ókilderi, mádenıet jáne ǵylym qaıratkerleri, sportshylar, volonterler bar.
«Qazaqstannyń Eńbek Eri» ataǵy Qazaqstan Respýblıkasynyń áleýmettik-gýmanıtarlyq damýyndaǵy asa úzdik jetistikteri úshin jazýshy Ilıa Jaqanovqa, elimizdiń densaýlyq saqtaý salasyn damytýdaǵy asa úzdik jetistikteri úshin Qazaq taǵamtaný akademııasynyń prezıdenti Tóregeldi Sharmanovqa berildi.
«Otan» ordenimen aqyn Nurjan Svetqalı; I dárejeli «Barys» ordenimen L.Gýmılev atyndaǵy Eýrazııa ulttyq ýnıversıtetiniń professory Jandarbek Málibekuly, aqyn Nurlan Orazalın; III dárejeli «Barys» ordenimen Almaty oblysy Ardagerler keńesiniń tóraǵasy Ermek Kelemseıit, Almaty qalasy Qazaqstan halqy Assambleıasy Qoǵamdyq kelisim keńesiniń tóraǵasy Ahmetjan Shardınov, Kúres federasııasynyń prezıdenti Dáýlet Turlyhanov, ál-Farabı atyndaǵy Qazaq ulttyq ýnıversıtetiniń rektory Janseıit Túımebaev, L.Gýmılev atyndaǵy Eýrazııa ulttyq ýnıversıtetiniń prorektory Dıhan Qamzabekuly, Almaty oblysy ákiminiń birinshi orynbasary Lázzat Turlashov jáne basqalar nagradtaldy.
«Parasat» ordenimen mádenıet, ǵylym jáne bilim qaıratkerleri, buqaralyq aqparat quraldarynyń ókilderi marapattaldy. Olardyń qatarynda Ulttyq ǵylym akademııasynyń múshesi Kárimbek Kurmanálıev, M.Qozybaev atyndaǵy Soltústik Qazaqstan ýnıversıtetiniń aǵa oqytýshysy Pavel Afanasev, Parlament Májilisiniń depýtattary Berik Ábdiǵalıuly, Edil Jańbyrshın bar.
Sportty damytý dıreksııasy paýerlıftıng komandasynyń jetekshisi Sergeı Syrýlnıkov II dárejeli «Dostyq» ordenimen marapattaldy.
«Qurmet» ordenimen saıasattanýshy Danııar Áshimbaev, Qoldanbaly etnosaıası zertteýler ınstıtýtynyń dırektory Talǵat Qalıev, Adam quqyqtary úshin hartııanyń atqarýshy dırektory Jemis Turmaǵambetova, Taraz qalalyq kópbeıindi aýrýhanasynyń bólim meńgerýshisi Ernar Edilbaev, belsendi Orynbasar Seıitov, «Mır Evrazıı» qorynyń prezıdenti Edýard Poletaev, Shymkent qalasy Aýǵan soǵysy ardagerleri odaǵynyń tóraǵasy Ǵalymjan Maıhanov, qoǵam qaıratkeri Dáýren Tálipov, jyrshy Arǵyn Bısenov, Q.Ospanov atyndaǵy №1 balalar-jasóspirimder sport mektebiniń basshysy Nurjan Ermaǵambetov, Almaty qalalyq №7 klınıkalyq aýrýhanasynyń bólim meńgerýshisi Esenaı Espenbetov nagradtaldy. «Qurmet» ordenine jalpy 94 adam ıe boldy.
«Eren eńbegi úshin» medalimen «Adyrna» qorynyń prezıdenti Arman Áýbákir, Pavlodar oblysy aýmaqtyq kásipodaqtar birlestiginiń baspasóz hatshysy Konstantın Mýzalevskıı, Qazaq ulttyq óner ýnıversıtetiniń aǵa oqytýshysy Ularbek Nurǵalym marapattaldy. Osy medalmen barlyǵy 25 adam nagradtaldy. «Shapaǵat» medaline 68 volonter, mesenat jáne basqa da azamattar ıe boldy. Olardyń qatarynda jýrnalıst Aleksandra Myskına, «Úmit-Nadejda» múgedekter uıymynyń tóraǵasy Dúısenǵalı Ospanov, «Okean» PIK jumyskeri Arlan Mútishev, «Paybox.money» JShS departament dırektory Marııa Chechına, R.Baıseıitov atyndaǵy Semeı qarjy-ekonomıkalyq kolledjiniń stýdenti Mereıbek Maǵabılov, «Bogatyr-Kómir» JShS jol mashınalaryn retteýshi Evgenıı Sharıfýllın, volonter Aıgerim Dosqalıeva bar.
