«Aınalym shemasy» boıynsha 22 kelisimshart negizinde kásipkerlik sýbektilerine 1 163 mln teńge zaım berildi. Osy arqyly 19 túrli áleýmettik mańyzy bar azyq-túlik pen turaqtandyrý qoryndaǵy ónimder Qyzylorda qalasynda ornalasqan 36 áleýmettik dúkende jáne qosymsha 14 iri sýpermarkettegi áleýmettik buryshtarda naryqtan tómen baǵada satylýda. Munan bólek óńirdi áleýmettik nanmen qamtamasyz etý maqsatynda «Azyq-túlik kelisimshart korporasııasy» UK» AQ, Aýyl sharýashylyǵy mınıstrligi jáne oblys ákimdigi arasynda arzandatylǵan bıdaı alý úshin memorandýmǵa qol qoıylyp, aqpan aıynan beri un óndirýshi kásiporyndarǵa 1 949,6 tonna astyq tasymaldandy.
О́ńirde 334,2 tonnaǵa jýyq qant qory bar. Turaqtandyrý qoryndaǵy qant áleýmettik dúkenderde jáne iri saýda oryndarynyń áleýmettik buryshtarynda 263 teńgeden satylýda. Munan bólek, turaqtandyrý qorynyń saýda áriptesterimen 125 tonna qantpen qamtamasyz etý jóninde kelisimderi bar. Sondaı-aq qosymsha taǵy 136 tonna satyp alý boıynsha jumystar júrgizilýde. Jyl sońyna deıin «Azyq-túlik kelisimshart korporasııasy» UK» AQ arqyly 3 314,8 tonna qant jetkizý kózdelip otyr.
Qyzylorda oblysy
