«Naýryz – tazalyq pen ekologııaǵa qamqorlyq merekesi. Bul áleýetti aýqymdy ekologııalyq aksııalardy óskeleń urpaqty ekologııalyq tárbıeleý úshin paıdalaný qajet. Osy kúni búkil el boıynsha jappaı aǵash otyrǵyzý jáne eldi mekender men aýlalardyń aýmaqtaryn tazartý boıynsha «Taza tabıǵat» respýblıkalyq aksııasy bastalady», dedi QR Mádenıet jáne sport Vıse-Mınıstri Nurǵısa Dáýeshov Ortalyq kommýnıkasııalar qyzmetinde ótken baspasóz máslıhatynda.
Onyń aıtýynsha, el boıynsha aǵash otyrǵyzý ár óńirdegi aýa raıyna baılanysty júredi.
«Sonymen bir mezgilde búkil el boıynsha áleýmettik jelilerde «Ár otbasynan bir aǵash» chellendjin ótkizý usynylady. Aǵash otyrǵyzý aýa raıynyń jaǵdaıyna qaraı júrgiziledi. Iаǵnı kóktem kesh keletin aımaqtarda aksııany da keıinirek uıymdastyrýǵa jol beriledi», deıdi ol.
