Tabıǵı resýrstar jáne tabıǵat paıdalanýdy retteý basqarmasynyń basshysy Beıbit Ismanov orman ósirýmen birinshi ret aınalyspaıtynyn aıtty. О́tken jyly 869 ga jerge 3,6 mln dana kóshet otyrǵyzyldy. О́ńirde orman ósirý boıynsha aqparat orman otyrǵyzýdy baqylaý jáne monıtorıng boıynsha ınteraktıvti kartaǵa engiziledi.
О́tken jyly mamandandyrylǵan tehnıka men jabdyqtardy satyp alýǵa jergilikti bıýdjetten 125 mln teńge bólindi. 12 dóńgelekti traktor jáne 6 tirkemeli jabdyq satyp aldyq. Bıyl bul maqsatqa 200 mln teńge bólindi.
«Orman resýrstaryn órt pen orman zııankesterinen qorǵaý mańyzdy. Tabıǵı órtterdiń aldyn alý jáne sóndirý máseleleri boıynsha barlyq múddeli organdarmen ózara is-qımyl josparlaryn qabyldady. Omby, Qorǵan jáne Túmen oblystaryndaǵy áriptesterimen tıisti kelisimder jasasty. Orman aýrýlary men zııankesteriniń oshaqtaryn anyqtaýǵa 8 eldi mekende turaqty monıtorıng júrgiziledi», dep málimdedi B.Ismanov.
Sońǵy úsh jylda órt sóndirý mashınalary men modýlderin satyp alýǵa 372 mln teńge bólindi.
