«2021 jylǵa kólik quraldary salyǵyn tóleý merzimi jeke tulǵalar úshin 2022 jyldyń 1 sáýirine deıin ekenin eske salamyz. Salyq somasyn e-Salyk-Azamat mobıldi qosymshasyndaǵy kalkýlıator kómegimen jáne kgd.kz saıtynda óz betińizshe esepteýge bolady nemese 1414/3-ortalyǵynyń biryńǵaı baılanysy arqyly bilýge bolady», delingen habarlamada.
Vedomstvo málimetinshe, merzimi ótip ketkenen keıin salyq zańnamasy normalaryna sáıkes salyq tólemegen tulǵalar bank qyzmetterin ala almaıdy.
«Keshiktirilgen árbir kúnge Ulttyq bank belgilegen resmı qaıta qarjylandyrý stavkasynyń 1,25 eselengen mólsherinde aıyppul salynady. Sonymen qatar salyq organdary májbúrlep oryndatý maqsatynda boryshkerlerge, onyń ishinde múlkine jáne bank shottaryna tyıym salý, sondaı-aq elden tys jerlerge shyǵýǵa shekteý qoıý sharalaryn qoldanatyn sot oryndaýshylaryna salyq tapsyrmalaryn jiberedi. Bul rette qaryz somasynyń 25 paıyzyn quraıtyn sot shyǵyndary ustalady», dep tolyqtyrdy baspasóz qyzmeti ókilderi.
