Bul týraly Aqordanyń «Bort №1» Telegram-arnasy jarııalady.
Buǵan deıin Qazaqstandaǵy áleýmettik-ekonomıkalyq ahýal máseleleri jónindegi keńeste Memleket basshysy Bas prokýratýraǵa básekelestikti qorǵaý agenttigimen birlesip, baǵalyq sóz baılasý jáne ózge de básekelestikke qarsy is-áreketterge tergeý júrgizýdi tapsyrdy.
Suıytylǵan munaı gazyn satýshylar ústem jaǵdaıdy teris paıdalanyp, ony satý kezinde eń joǵary baǵany belgileýge ǵana baǵdarlanǵany anyqtaldy.
«Qazaqoıl Aqtóbe» JShS-ne qatysty ákimshilik aıyppul salý týraly sot sheshimi shyǵaryldy.
«SNPS-Aqtóbemunaıgaz» AQ jáne «SP Qazgermunaı» JShS qatysty ákimshilik ister qozǵaldy jáne sotqa berildi.
«Petrosun» JShS jáne «Qazaq gaz óńdeý zaýyty» JShS qatysty qylmystyq ister qozǵaldy, «QazMunaıGaz» UK» AQ qatysty is materıaldary qarjy monıtorıngi agenttigine berildi.
«Qazaq gaz óńdeý zaýyty» JShS-niń áreketterinde suıytylǵan munaı gazyn ótkizý kólemin negizsiz qysqartý faktileri anyqtaldy.
Básekelestikti qorǵaý jáne damytý agenttigi suıytylǵan munaı gazyn bólshek saýdada ótkizý sýbektilerine qatysty 193 tekserý júrgizýde, onyń ishinde 89-y Bas prokýratýramen birlesip tergelýde.
Naryqtyń 65 sýbektisiniń is-áreketinde kelisilgen is-qımyldar men karteldik sóz baılasýdy uıymdastyrý faktileri anyqtaldy.
45 sýbektige qatysty ákimshilik ister qozǵaldy, materıaldar sotqa joldandy. Salynǵan ákimshilik jazalardyń jalpy somasy 92 mln teńgeni qurady.
