О́zbekstan Respýblıkasy Olıı Májilisi Senatynyń Tóraıymy Tanzıla Narbaevamen kezdesýde eki el arasyndaǵy parlamentaralyq baılanysty nyǵaıtý máselesi sóz boldy. Máýlen Áshimbaev Qazaqstan men О́zbekstannyń qarym-qatynasy baýyrlas halyqtar arasyndaǵy yntymaqtastyqtyń jarqyn kórinisi ekenin atap ótti. Bul rette eki el Prezıdentteriniń ózara senim men dostyqqa negizdelgen baılanysy mańyzdy ról atqarady. Qazaqstan Parlamenti Senatynyń Spıkeri eki memlekettiń Senattary arasyndaǵy Yntymaqtastyq jónindegi komıssııanyń otyrysyn ótkizý úshin Tanzıla Narbaevany bıylǵy sáýir aıynda Qyzylordaǵa shaqyrdy. Atalǵan is-sharada Aral óńirindegi ekologııalyq máselelerdi sheshý kezindegi Parlamentterdiń róli sóz bolmaq.
Qyrǵyz Respýblıkasy Jogorký Keneshiniń Tóraǵasy Talant Mamytovpen kezdesý barysynda sý problemasy jáne mádenı-gýmanıtarlyq baılanys máseleleri talqylandy. Máýlen Áshimbaevtyń aıtýynsha, eki halyqtyń tarıhı baılanysyn nyǵaıtýda parlamentshilerdiń áleýetin belsendi paıdalanýdyń mańyzy zor.
Sonymen qatar Qazaqstan Parlamenti Senatynyń Spıkeri Reseı Federaldyq Jınalysy Federasııa Keńesiniń Tóraıymy Valentına Matvıenkomen kezdesti. Onda eki eldiń ózara qarym-qatynasynda parlamenttik dıplomatııanyń áleýetin arttyrý jóninde sóz boldy. Sondaı-aq taraptar eki Palatanyń Yntymaqtastyǵy jónindegi komıssııanyń bıylǵy sáýir aıynda ótetin otyrysyna toqtaldy.
Tájikstan Respýblıkasy Olı Majlısi Mıllı Majlısiniń tóraǵasy Rýstamı Emomalımen kezdesýde Máýlen Áshimbaev Qazaqstan Prezıdenti Qasym-Jomart Toqaevtyń Tájikstanǵa sapary barysynda kózdelgen mindetterge nazar aýdardy. Atalǵan sapar aıasynda aldaǵy 5 jylda eki el arasyndaǵy ózara saýda-sattyq kólemin 2 mlrd dollarǵa deıin kóbeıtý jáne shıkizatty sońǵy ónimge deıin óńdeıtin birlesken kásiporyn qurý qajettigi aıtylǵan edi. Senat Spıkeri bul kelissózderdi iske asyrýǵa yqpal etý úshin qazaqstandyq senatorlar belsendi jumys isteýge nıetti ekenin jetkizdi.
Sondaı-aq Qazaqstan Parlamenti Senatynyń Tóraǵasy Ázerbaıjan Respýblıkasy Mıllı Medjlısiniń Tóraıymy Sahıba Gafarovamen, Armenııa Respýblıkasy Ulttyq Jınalysynyń Tóraǵasy Alen Sımonıanmen, Belarýs Respýblıkasy Ulttyq Jınalysy Respýblıka Keńesiniń Tóraıymy Natalıa Kochanovamen jáne Túrkimenstan Respýblıkasy Medjlısiniń Tóraıymy Gúlshat Mammedovamen ekijaqty jáne kópjaqty kezdesýler ótkizdi. Kezdesýler kezinde parlamentaralyq yntymaqtastyqqa qatysty mańyzdy máseleler keńinen talqylandy.
Odan bólek, Máýlen Áshimbaev Dúnıejúzilik densaýlyq saqtaý uıymy Eýropalyq óńirlik bıýrosynyń dırektory Hans Klıýgemen kezdesti.
«Biz Qazaqstan Prezıdenti Qasym-Jomart Toqaevtyń Bıologııalyq qaýipsizdik jónindegi halyqaralyq agenttik jáne BUU aıasynda Aýrýlar men bıologııalyq qaýipsizdikti baqylaý jónindegi óńirlik ortalyqtar jelisin qurý týraly bastamasyn iske asyrý kezinde Dúnıejúzilik densaýlyq saqtaý uıymy qoldaý kórsetedi dep úmittenemiz. О́z kezeginde Qazaqstan Parlamentiniń Senaty Uıymǵa óziniń basty maqsattaryna qol jetkizýi úshin qajetti kómek kórsetýge daıyn», dedi Máýlen Áshimbaev.
