Fotogalereıa • 30 Naýryz, 2022

Jyl basynyń qusy

392 ret kórsetildi

Aqpannyń sońǵy kúni. Almatyǵa taǵy da qar jaýyp ótti. Biz turǵan úı artyndaǵy aǵashtardyń sıdam butaqtarynda appaq qar turyp qalǵan.

Tańerteń tórtinshi qabattaǵy terezeden bıik aǵashtyń ashasyndaǵy uıada judyryqtaı bir qusty kórip qaldym. Álgi qus uıaǵa baýyryn basyp jaıǵasyp alǵan. Alǵashqyda asa mán bergenim joq. Tústen keıin ony taǵy kórdim. Uıasynan tapjylmapty. Kenet qasyna sol sekildi taǵy bir qus ushyp keldi de, uıadaǵynyń aýzyna jem saldy. Qasynda az-kem turdy da taǵy ushyp ketti. Sonda ǵana ushqan qustyń atalyq, uıadaǵynyń analyq ekenin ańǵardym. Baıqaımyn, kúnuzaqqa ornynan qozǵalmaǵan analyq jumyrtqa basyp jatqan sekildi. Biraq meni tańǵaldyrǵany áli maı tońatyndaı beımezgil salqyn kezde qustyń kúrik bolǵany.

 

a

Fotoapparatymdy alyp, terezeden sýretin tartyp aldym. Naýryzdyń on ekisi kúni álgi qustyń qanatynyń astynan úsh saryaýyz balapannyń basy qyltıyp kórindi. О́mirge kelgen jyl qusy ma dersiń. Atalyq qus aýyq-aýyq ushyp kelip olardy jemdep jatyr. Naýryzyń 22-si kúni analyq qus tez jetilgen balapandaryn uıasynan birinen soń birin shyǵara bastady. Balapandar áli búr jarmaǵan butaqta qanattaryn qaǵyp ushýǵa talpynýda.

a

Erteńine qarasam uıa bos qalypty. «Kún jylymaı jatyp, jumyrtqalap, balapan ashqan bul qandaı qus?» dep ornıtologterdiń jazbalaryn ǵalam­tordan izdestire bastadym. Ornı­tologter bul qusty Maına saýys­qany dep atapty. Latynsha ataýy – Acri­dotheres tristis. Elýinshi jyldyń ba­synda О́zbekstannyń ońtústigi men Túrikmenstannyń soltústik bóliginen ákelip jersindirilgen eken. Ázirge jalpy sany 3 myńdaı ǵana kórinedi. Sol jyly jaqtarda osy kezde-aq balapan shy­ǵaratynyn habardar etipti. Qus ekesh qus ta bolmys-tabıǵatyna tartyp, bizdiń jaq­­taǵy kúnniń salqyndyǵyna qaramaı jyl basy Naýryzda balapan ushyrǵanyn qarashy! Endi tańdanyp, tańyrqamaı gór!

m

4

Ál-Muhıt ADYRBEK, áýesqoı fotosýretshi

Sońǵy jańalyqtar

Talantty ánshige taǵzym

О́ner • Búgin, 19:30

Altaıdan Anadolyǵa jetken azattyq kóshi

Rýhanııat • Búgin, 18:43

Qor bırjasynda dollar qymbattady

Qarjy • Búgin, 15:53

Uqsas jańalyqtar