Infografıkany jasaǵan Amangeldi Qııas, «EQ»
Bul ózgerister Qazaqstannyń táýelsiz jáne erkin el retinde ómir súrýi úshin jasaldy. Osy 30 jyl ishinde Qazaqstan ǵana emes, qorshaǵan orta da, álem de ózgerdi. Biz qazir únemi ózgerip otyratyn álemde ómir súrip jatyrmyz, qarqyndy damyp jatqan saıası jáne ekonomıkalyq jaǵdaılardyń kýási bolyp otyrmyz. Kún saıyn jańa máselemen betpe-bet kelip, ony sheshýimizge týra keledi. Kúsh pen bostandyqty qatar ustap, búgingi ózgeristerge beıimdele alǵan kez kelgen memleket jetistikke jetýge qaýqarly.
El men halqy memlekettiń saıası, ekonomıkalyq, quqyqtyq qaýipsizdiginiń nyǵaıýyna qaraı damýyn jalǵastyrsa, sol eldiń bolashaǵy zor bolmaq.
Qazirgi kezeń Qazaqstan úshin 30 jyl burynǵy azattyq alǵan sátten kem túspeıdi. Qazaqstan Respýblıkasynyń Prezıdenti Qasym-Jomart Toqaev Qazaqstannyń ekonomıkalyq jáne saıası jolyn, sol arqyly halqynyń ondaǵan jyldardaǵy ómirin aıqyndaıtyn jalpyadamzattyq qundylyqtarǵa mańyz berip otyr. Prezıdent jarııalaǵan reformalar tarıhı mańyzǵa ıe, óıtkeni olar memlekettik basqarý úshin, jalpy qoǵam úshin jańa moraldyq-etıkalyq qaǵıdalardy aıqyndaıdy.
Prezıdent bıligin ortalyqsyzdandyrý, Parlamentti kúsheıtý, partııa saılaýlarynda erkindikke kepildik berý, mýnısıpaldyq jáne atqarýshy bıliktiń aýysýy, barlyq adam úshin quqyqtyń ústemdigi – osynyń bári Qazaqstandy bolashaq álemdik saıasattyń qazirgiden de kúshti oıynshysyna aınaldyrady. Alǵa qoıǵan baǵdarlamalardy iske asyrý úlken jumysty talap etedi.
Qazaqstan jarııalanǵan reformalar men demokratııalyq sharalardy iske asyra otyryp, álemniń kóptegen eline úlgi bolyp qana qoımaı, halyqaralyq arenada mańyzdy elge aınalyp keledi.
Alǵa qoıylǵan barlyq joba men jospar oryndalyp, belgilengen reformalar júrgizilip, Qazaqstan tarıhynyń jańa taraýy ashylatynyna senim bildiremin.
Shagı GABOR,
Globália Kft. bas dırektory (Majarstan)
