Naýryz aıynyń basynda Semeı qalasynyń bilim berý ortalyqtarynyń birindegi aǵylshyn tili kabınetinde Almaty qalasynyń 36 jastaǵy turǵyny ustaldy. Ol esirtki quraldarynyń zańsyz aınalymyna qatysy bar degen kúdikke ilingen.
Oqý bólmesine tintý júrgizý barysynda ústel ústindegi edende ósimdik tektes jasyl tústi zaty bar polıetılendi túıinshek ornalasqan karton qorap tabyldy.
Saraptama qortyndysy kórsetkendeı, tárkilengen zat keptirilgen marıhýana bolyp shyqty. Jalpy salmaǵy 11 keliden asady.
Atalǵan fakti boıynsha QR QK-niń 297-babynyń 3-bóligi (Esirtki zattardy, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý, jóneltý nemese ótkizý) boıynsha sotqa deıingi tergeý bastaldy. Bul baptyń sanksııasy 10 jyldan 15 jylǵa deıingi merzimge bas bostandyǵynan aıyrý jazasyn kózdeıdi.
