Bas prokýratýra jadynama organǵa ótinish bildirgenderdiń máselelerin jedel sheshýge kómektesedi dep úmittenedi.
«Azamattar memlekettik organdardyń problemalaryn tezirek sheshý úshin olardyń quzyretin bilýi kerek. Sondaı-aq, prokýror barlyq sot sheshimderine narazylyq bildirýge mindetti emes», delingen vedomstvo habarlamasynda.
Qujatta qandaı ótinishter qaralýǵa jatatyny, al qaısysy qaralmaıtyny egjeı-tegjeıli sıpattalǵan. Onyń ishinde memlekettik organdardyń is-áreketterine (áreketsizdigine) jáne sheshimderine, azamattyq jáne ákimshilik ister boıynsha sot aktilerine shaǵymdarǵa, sot aktilerin oryndaý máselelerine, qylmystyq ister boıynsha sot aktilerine shaǵymdarǵa, sondaı-aq tergeýshiniń, sotqa deıingi tergep-tekserýler boıynsha prokýrordyń áreketterine (áreketsizdigine) jáne sheshimderine, mekemelerge jasalǵan adamdardy ustaýdyń zańdylyǵyna ótinishter qylmystyq-atqarý júıesi jáne jazalardy oryndaýdyń zańdylyǵy baıandalǵan.
