Kúndiz Mańǵystaý oblysynyń soltústiginde naızaǵaı kútiledi. Oblystyń batysynda, soltústik-shyǵysynda shańdy daýyl turady. Ońtústik-shyǵystan jel soǵyp, kúndiz ekpini 23-28 m/s jetedi.
Qyzylorda oblysynyń soltústiginde jeldiń kúshi 15-20 m/s deıin artady.
Aqtóbe oblysynda ońtústikten, ońtústik-batystan jel soǵady, oblystyń ońtústik-batysynda ekpini 15-20 m/s kúsheıedi.
Atyraý oblysynda soltústik-batystan soǵatyn jeldiń ekpini 23-28 m/s jetýi múmkin.
Túnde jáne tańerteń Aqmola oblysynyń ońtústiginde tuman kútiledi. Ońtústikten, ońtústik-batystan jel soǵyp, ekpini 15-20 m/s artady.
Qostanaı oblysynyń soltústiginde tuman boljanady. Ońtústik-batystan, ońtústikten jel soǵady, oblystyń batysynda, soltústiginde ekpini 23-28 m/s artýy yqtımal.
Batys Qazaqstan oblysynyń shyǵysynda tuman kútiledi. Jel ońtústik-batystan, batystan soǵady, túnde óńirdiń ońtústik-batysynda, kúndiz basym bóliginde jyldamdyǵy 23-28 m/s kúsheıedi.
Túnde jáne tańerteń Soltústik Qazaqstan oblysynyń ońtústiginde tuman kútiledi. Ońtústikten jel soǵady, óńirdiń batysynda, soltústiginde ekpini 15-20 m/s quraıdy.
4-5 sáýirde Jambyl oblysynyń ońtústik-batysynda, soltústik-shyǵysynda, taýly aýdandarynda soltústik-shyǵystan jel soǵady, ekpini 15-20 m/s artady.
Sondaı-aq 4-6 sáýir aralyǵynda Batys Qazaqstan, Aqtóbe, Qostanaı, Qaraǵandy jáne Soltústik-Qazaqstan oblystarynda oń mándi aýa temperatýrasynyń saqtalýy men odan ári joǵarylaýyna baılanysty ózen basseınderinde qardyń erýi qarqyn alyp, erigen qar aǵyny qalyptasady, ózenderde muz erip, sý deńgeıi kóteriledi.
