Balyq sharýashylyǵy komıteti tóraǵasynyń orynbasary Aıan Bahııanovtyń aıtýynsha, bıyl negizgi kúshti Kaspıı teńiziniń jaǵalaýy men akvatorııasynda, Atyraý oblysyndaǵy Jaıyq pen Qıǵash ózenderiniń saǵalyq aıdyndaryna shoǵyrlandyrý josparlanyp otyr.
«Aksııanyń maqsaty – baǵaly bekire tuqymdas balyq túrleriniń ýyldyryq shashý oryndaryna qonys aýdarýyn qamtamasyz etý. Eki aılyq aksııa kezinde Jaıyq-Kaspıı oblysaralyq basseındik balyq sharýashylyǵy ınspeksııasynyń ınspektorlary quqyq qorǵaý, tabıǵat qorǵaý organdarynyń jáne UQK Shekara qyzmetiniń qyzmetkerlerimen birlesip, tabıǵat zańnamasynyń saqtalýyn qadaǵalaıdy. Batys óńirdegi úsh oblysta 1 632 qyzmetker, onyń ishinde Atyraý oblysynda – 874, Batys Qazaqstanda – 248, Mańǵystaý oblysynda 510 qyzmetker jumys isteıdi. Olar 92 qaıyq jáne shaǵyn júzý quraldarymen, 285 avtokólikpen qamtamasyz etildi», deıdi Aıan Bahııanov.
Onyń málimetine súıensek, Jaıyq ózeniniń jaǵalaýynda 19 beınebaqylaý kamerasy ornatylǵan. Al shekarashylar radıolokasııalyq stasanyń úsh jıyntyǵyn paıdalanady. Bıyl «Atyraý – RF shekarasy», «Atyraý – Oral» baǵytyndaǵy joldarǵa stasıonarlyq beket qoıylady.
